Curug Cibeureum
Curug Cibeureum nyaéta salah sahiji curug nu aya di jero kawasan Taman Nasional Gedé Pangrango (TNGP) Cibodas perenahna di Désa Sindang Laya, Kacamatan Pacét Kabupatén Cianjur, Propinsi Jawa Barat. [1] Pikeun ngahotal ka ieu curug perlu waktu 20 menit kalawan leumpang nyalsé. Dumasar kana peta jarak Curug Cibeureum ti panto Cibodas kira-kira 2,8 km.[2]
Di curug Cibeureum aya tilu curug di antarana curug utama nyaéta Curug Cibeureum, jeung dua curug nu lianna anu leuwih leutik, Curug Cidéngdéng jeung Curug Cikundul.[1] Curug Cibeureum nyaéta curug anu panggedéna jeung pangpendékna di ieu wewengkon téh, perenahna anu leuwih muka jeung shelter nu antukna leuwih loba diriung. Ngaran Cibeureum sorangan asalna tina basa Sunda anu hartina cai walungan beureum, ieu ngaran téh dipaké alatan katingal warna semu beureum dina dingding batu anu kawangun tina lumut beureum anu tumuwuh kalawan endemik di ieu patempatan.[1]
Di beulah katuhu Curug Cibeureum nyaéta Curug Cidéngdéng, ukuranana leuwih jangkung jeung leutik.[1] Ana pon anu paling katuhu nyaéta Curug Cikundul, perenahna luhur pisan jeung rada nyumput dina legok antara dua tebing.[1]
Katilu ieu curug téh jangkungna antara 40-50 méter jeung aya dina 1675 m ti luhur buengeut laut (dpl.) Curah hujan di ieu wewengkon kira-kira 3.000-4.200 mm per taun.[1] Bulan-bulan baseuh dina mangsa Oktober nepika Mei, nalika usum barat laut jeung rata-rata hujanna leuwih ti 200 mm per bulan.[1] Bulan Désémber sepika Maret curah hujanna bisa nepika leuwih ti 400 mm per bulanna.[1]
Réferénsi
[édit | édit sumber]- ↑ a b c d e f g h (id)Curug Cibeureum Sindanglaya Cianjur Archived 2011-07-09 di Wayback Machine (diakses tanggal 29 Oktober 2011)
- ↑ (id)Gunung Gede Pangrango[tumbu nonaktif] (diakses tanggal 29 Oktober 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |