Déwi Lestari

Ti Wikipédia Sunda, énsiklopédi bébas
Loncat ke navigasi Loncat ke pencarian
Déwi Lestari

Dewi Lestari Simangunsong atawa Déwi Lestari leuwih dipikawanoh Dee (gumelar di Bandung, Jawa Kulon, 20 Januari 1976; umur 43 taun) nyaéta saurang panyanyi sakaligus panyipta lagu asal Indonésia. Dee mimiti dipikawanoh ku masarakat minangka anggota trio vokal Rida Sita Dewi. Dee nyaéta alumnus SMA Negeri 2 Bandung jeung lulusan Universitas Parahyangan, jurusan Hubungan Internasional. Ti mimiti nulis novél supernova taun 2001, ngaran Dee mimiti dipikawanoh ku masarakat minangka penulis.

Kahirupan Pribadi[édit | édit sumber]

Dee mangrupa anak ka opat ti lima sadudulur ti pasangan Yohan Simangunsong jeung Tiurlan br Siagan (alm). Salah sahiji adina nyaéta Arina Ephipania vokalis grup musik Mocca. Ti keur leuleutik kénéh, Dee mimiti resep kana dunia musik. Bapana nyaéta anggota TNI anu diajar piano sacara otodidak. Saméméh gabung jeung grup musik Rida Sita Dewi (RSD), Dee kungsi jadi backing vocal Iwa K, Java Jive, jeung Chrisye. Kurang leuwih bulan Mei 1994, Dee jeung Rida Farida sarta Indah Sita Nursanti ngajieun grup musik nu ngaranna RSD.

Préstasi jeung Pakasaban[édit | édit sumber]

Trio RSD mimiti ngaluarkeun albeum munggaranana, nyaéta Antara Kita taun 1995 dituluykeun ku albeum Bertiga taun 1997. RSD pindah manajemen handapeun bendera Sony Music Indonesia tuluy ngarilis albeum Satu taun 1999. Ahir taun 2002 RSD nyieun albeum anu eusina lagu-lagu pangalusna ti RSD. Dee ngaluarkeun albeum ngagunakeun basa Inggris nu judulna Out Of Shell taun 2006 sanggeus kaluar ti grup RSD. Teu puas ku hiji albeum, Dee nuluykeun karirna ku album Rectoverso di taun 2008. Dina album ieu, Dee duet jeung Ariana Mocca dina lagu Aku Ada. Salain ti éta Dee ogé duét jeung Aqi Alexa dina lagu nu judulna Peluk. Dina album ieu oge, Dee ngarilis ulang lagu Marcell Siahan, Firasat.

Karya[édit | édit sumber]

Diskografi[édit | édit sumber]

  • Rida, Sita, Dewi: “Antara Kita” – Warna Musik, Indonésia, 1995
  • Rida, Sita, Dewi: “Bertiga” – Warna Musik, Indonésia, 1997
  • Rida, Sita, Dewi: “Satu” – Sony Music, Indonésia, 1999
  • Rida, Sita, Dewi: “The Best of RSD” – Sony Music, Indonésia, 2002
  • Dewi Lestari: “Out Of Shell” – Truedee Music, Indonésia, 2006
  • Dewi Lestari: “Rectoverso” – Goodfaith Production, 2008

Pranala luar[édit | édit sumber]

Referensi[édit | édit sumber]