Déwi Perssik

Ti Wikipédia Sunda, énsiklopédi bébas
Loncat ke navigasi Loncat ke pencarian
Dewi-persik

Déwi Murya Agung dipikawanoh minangka Déwi Perssik, (gumelar di Jember, Jawa Wétan, 16 Désémber 1985; umur 33 taun)[1] nyaéta saurang panyanyi dangdut anu ténar liwat "goyang ragaji", nyaéta goyangan anu mirip siga ngaragaji maju mundur.[2]

Déwi anak ti pasangan Mochammad Aidil jeung Sri Muna.[rujukan?] Ngaran Perssik dibéré ku ménéjerna, anu miharep karirna nyongcolang sakumaha buah persik.[rujukan?] Déwi nyaéta anak bungsu ti 4 sadudulur.[2] Anjeunna nikah jeung panyanyi dangdut Saipul Jamil dina 26 Juni 2005, tapi umur pertikahanna ngan ukur kurang ti dua taun.[2] Dina tanggal 14 Januari 2008 Pangadilan Agama Jakarta Kalér mutuskeun duanana resmi ceré.[2]

Karir[édit | édit sumber]

Lian profésina minangka panyanyi dangdut, Déwi ogé ngabéntangan sinétron Mimpi Manis.[rujukan?] Déwi ogé pernah maén dina pilem Tali Pocong Perawan minangka pilem munggaranna.[2] Ogé maén dina pilem Tusuk Kuntilanak jeung Tiran (Mati di Ranjang).[rujukan?] Déwi ogé kungsi ngabéntangan sinétron anu judulna Laila.[2]

taun 2010 Déwi ditarik RCM (Républik Cinta Manajemen) anu dipingpin ku Ahmad Dhani.[2] Gawé bareng jeung RCM dimimitian ku panampilanna dina acara Harmoni di SCTV tanggal 11 Maret 2010, nalika Déwi kudu nyanyikeun lagu Makhluk Tuhan Paling Sexy anu pernah dilagukeun ku Mulan Jameela.[2]

Rujukan[édit | édit sumber]

  1. Wowkeren. Dewi Perssik. Diakses 04 Méi 2015.
  2. a b c d e f g h Kapanlagi. Profil Dewi Perssik. Diakses 04 Méi 2015.