Dahlia
| Dahlia | |
|---|---|
| |
| Kembang Dahlia di Taman Hutan Raya Ir. H. Djuanda Bandung | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | Dahlia Cav.
|
| Spésiés: | 30 spésiés, 20.000 kultivar
|
Dahlia nyaéta hiji génus pepelakan anu beutian sarta sipatna taunan (perenial), kembangan dina usum panas nepi ka usum gugur. Dahlia nyaéta kembang nasional nagara Méksiko anu ogé mangrupa nagara asalna ieu kembang. Dahlia nyaéta tutuwuhan pituin ti Méksiko nepi ka Kolombia.[1]
Sajarah
[édit | édit sumber]Dina taun 1872, nagara Walanda nampa sakotak beuti dahlia anu dikirim ti Méksiko. Tina sakotak beuti kembang Dahlia tétéla ngan hiji beuti anu hasil kembangan tapi ngahasilkeun kembang nu éndah sarta boga warna beureum kalawan daun kembang anu seukeut. Ahli pepelakan hasil ngabudidayakeun dahlia anu saterusna dingaranan Dahlia juarezii. Dahlia juarezii mangrupa karuhun sakabéh kembang dahlia hibrida anu aya kiwari.
Tangkal dahlia nyaéta kadaharan larva sawatara spesies Lepidoptera (wanda kukupu).
Kembang dahlia dingaranan pikeun ngahormat ahli botani bangsa Swédia ti abad ka-18 anu ngaranna Anders Dahl.
Dahlia ogé mangrupa kembang resmi dayeuh Seattle, nagara bagian Washington, Amérika Sarikat.
Ciri mandiri jeung habitat
[édit | édit sumber]Kembang Dahlia boga rupa-rupa warna anu éndah, saperti beureum, kayas, konéng, jeung sajabana. Saperti tutuwuhan lianna ti kulawarga Asteraceae, kembang Dahlia ogé wangunna capitulum (hiji bonggol perbungaan gedé anu ngawengku loba 'kembang').[2] Kembangna rata-rata gedé sarta lébar tur buleud.[3]
Kembang Dahlia tumuwuh di daérah anu luhurna 700-1000 méter di luhureun beungeut sagara, kalawan cahya panonpoé langsung teu kaiuhan.[4]
Mangpaat
[édit | édit sumber]Kembang dahlia anu dipikawanoh ku urang ayeuna diwangun ku ratusan kultivar. lolobana variétas tangkal dahlia ngahasilkeun kembang anu warnana caang sarta matak hélok, ku kituna dahlia mangrupa komoditas penting pikeun industri kembang.[4]
Rujukan
[édit | édit sumber]- ↑ "Dahlia Cav. | Plants of the World Online | Kew Science". Plants of the World Online. Diakses tanggal 2025-02-16.
- ↑ "Bunga Dahlia Yang Berasal Dari Genus Dahlia - NyaringIndonesia.com" (dalam Indonesian). Diakses tanggal 2025-02-16.
- ↑ Robby. "Demystifying Dahlias: A Guide to Identifying Different Dahlia Flower Forms". stonepostgardens.com (dalam en-US). Diakses tanggal 2025-02-16.
- ↑ a b "Dahlia pinnata". www.socfindoconservation.co.id. Diakses tanggal 2025-02-16.
Tumbu ka luar
[édit | édit sumber]- (id) Pepelakan hias Dahlia Archived 2007-09-29 di Wayback Machine