Éléktrokimia

Éléktrokimia mangrupa cabang kimia nu ngulik réaksi nu lumangsung antara konduktor éléktronik (éléktroda nu dijieun tina logam atawa semikonduktor, kaasup grafit) jeung konduktor ionik (éléktrolit).

Mun hiji réaksi kimia disababkeun ku voltase ti luar, atawa mun voltase disababkeun ku réaksi kimia, sakumaha lumangsung dina batré, mangka disebutna réaksi éléktrokimia. Sacara umum, éléktrokimia patali jeung kaayaan misahna réaksi oksidasi jeung réduksi. Transfer muatan anu langsung ti hiji molekul ka molekul lianna teu kaasup dina jejer éléktrokimia.

Dasar

Réaksi rédoks

Prosés éléktrokimia mangrupa réaksi rédoks nu énérgina dihasilkeun ku réaksi dadakan nu ngahasilkeun listrik. Kitu ogé sabalikna, aliran listrik ngadorong ayana réaksi kimia.

Oksidasi jeung réduksi

Unsur-unsur nu aub dina hiji réaksi éléktrokimia dicirikeun ku jumlah éléktron nu dipimilikna. Kaayaan oksidasi hiji ion nunjukkeun jumlah éléktron nu geus ditampa atawa disumbangkeunana dibandingkeun jeung kaayaan nétralna (nu ditangtukeun mibanda kaayaan oksidasi 0). Mun hiji atom atawa ion nyumbang hiji éléktron dina hiji réaksi, mangka kaayaan oksidasina ngaronjat, sedengkeun mun nampa éléktron, kaayaan oksidasina nurun.

Pikeun conto, dina réaksi natrium jeung klorin, natrium nyumbang hiji éléktron antukna jadi boga kaayaan oksidasi +1, sedengkeun klorin, nu nampa éléktron ti natrium, kaayaan oksidasina jadi −1. Tanda kaayaan oksidasi (positip/négatip) patali jeung ajén muatan éléktronik ionna. Daya tarik ion natrium jeung klorin nu béda muatanana mangrupa alesan pangna éta dua ion ngabentuk beungkeut ionik.

Leungitna éléktron ti hiji zat disebut oksidasi, sedengkeun ditampana éléktron disebut réduksi. Zat nu kaleungitan éléktron katelah ogé agén réduksi atawa réduktan, sedengkeun zat nu nampa éléktronna katelah agén oksidasi atawa oksidan. Agén oksidasi salawasna diréduksi, sedengkeun agén réduksi salawasna dioksidasi.

Nampa oksigén, kaleungitan hidrogén, jeung ngaronjatna bilangan oksidasi ogé dianggap oksidasi, kitu ogé sabalikna.

Sumber rujukan

• Electrochemistry, Wikipédia édisi basa Inggris (17 Juli 2006)

Tumbu kaluar

• The Electrochemical Society
• International Society of Electrochemistry (ISE)
• Electrochemistry Encyclopedia at Case Western Reserve University Archived 2008-06-10 di Wayback Machine
• Electrochemistry Dictionary at Case Western Reserve University Archived 2001-11-25 di Library of Congress Web Archives (ukuran ~ 388 KB)
• Experiments in Electrochemistry at Fun Science
• Potentiodynamic Electrochemical Impedance Spectroscopy Archived 2004-12-25 di Wayback Machine
• Nanoelectrode.com Warta jeung artikel panalungtikan nu patali jeung nanoéléktrokimia

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.