Fotografer (Juru foto)

Fotografer atawa juru foto nyaéta istilah anu nuduhkeun kana jalma anu pagaweana tiasa nyieun foto (fotografi). Jalma nu disebut fotografer téh nyaéta anu berpengalaman dina ngagunakeun peralatan-peralatan fotografi. Manehna ogé biasana fokus kana seni jeung teknik khusus sehingga tiasa ngahasilkeun foto nu jauh leuwih alus. Fotografer tiasa ogé disaruakeun ku istilah tukang potrét, pemotrét, atawa juru potrét.

Sajarah

Ningali dina hiji rujukan, istilah fotografer geus disebarluaskeun ti taun 1839, dimimitian ku élmuwan Inggris Sir John Herschel tina kecap Yunani phos, (genitif: phōtós) hartina "cahaya", jeung graphê hartina "gambar atawa tulisan". Istilah ieu sacara harfiah ngabogaan harti "ngagambar ku cahaya" (drawing with light). Téknologi anu nyebabkeun panemuan fotografi dina dasarna ngagabungkeun dua élmu anu béda: optik - konvergénsi sinar cahaya pikeun ngabentuk gambar di jero kaméra - jeung kimia, pikeun ngaktifkeun gambar éta tiasa dicandak tuluy dirékam sacara permanén dina permukaan fotosénsitif.

Ti awal mula munculna trén anyar ieu, fotografi tutuluyan bertambah paminatna unggal taun, kusabab tiasa dijadikeun bisnis. Ngan trén ieu mimitina ukur aya dina kalangan jalma-jalma beunghar jeung kelompok anu ngarti kana teknik-teknik fotografi. Saterusna nepika tungtung abad ka salapan beulas, fotografi asup kana sarana atikan. Ilmu fotografi dibutuhkeun pikeun nyokotan gambar-gambar supaya dimuat di majalah atawa koran-koran jaman harita, utamana pikeun ngedokumentasikeun kajadian-kajadian perang, misalna Perang Sipil Amérika, Perang Kriméa, jeung Perang Boer.

Pangwangunan fotografi

Dina awal abad ka-20, pamakéan fotografi pikeun kabutuhan ngajual produk lewat iklan jeung majalah mulai katempo ka permukaan. Majalah bergambar jadi salah sahiji média pikeun kalangan fotografer ngebagikeun karya maranéhanana. Jeung ieu ogé ngadorong pangwangunan fotografer pikeun sadaya génré fotografi janten leuwih pesat. Salah sahiji contohna nyaéta majalah poto mingguan Life jeung Picture Post anu eusina ngamuat foto-foto warta, isu, jeung kajadian-kajadian di dunya, kitu deui majalah Vogue jeung Bazaar anu eusina ngamuat karya fotografi ngeunaan gaya hirup, interior, kadaharan, jeung sajabana.

Revolusi digital ayeuna nyebabkeun ayana peluang jeung tangtangan anyar pikeun fotografer profésional, nu salah sahijina tiasa memunculkeun karir nu kreatif jeung pantas sacara komersial. Ku alasan ieu ogé ngajadikeun marakna muncul modél-modél profésional anu memerlukeun jasa fotografer profésional pikeun kabutuhan kontén dina majalah-majalah atawa média sosial.

Ningali dina data statistik sacara global, di taun 2013 aya 89 juta kaméra digital anu kajual. Tuluy, dina taun 2014 ogé, kurang leuwih 2,25 miliar perangkat nu tiasa nyokot gambar (kaméra, ponser pintar, jeung sajabana) kajual sacara global, numana leuwih ti satengah ti jumlah penjualan éta didominasi ku penjualan ponsel pintar. Data ieu sacara henteu langsung méré informasi yen muncul loba fotografer-fotografer amatiran. Ku lobana jalma anu nyandak foto nganggo alat 'non-profésional' ieu, fotografer profésional tiasa méré alesan ka kliénna pikeun memonétisasi karyana. Penalaran ieu henteu berdasarkeun kana penguasaan kaahlian teknis, sakumaha ieu hal anu geus tiasa dipaké ku masarakat umum. Ngan berdasarkeun kana kamampuan fotografer pikeun ngabujuk jalma-jalma supaya méré respon anu positip kana cara pandang manéhna terhadap fotografi, jeung saterusna tiasa gabung ka bisnis maranéhanana. Soalna, fotografi profésional téh nyaéta bisnis anu sok berinteraksi ka loba bisnis nu lainna.

Daptar pustaka

• Scott, Grant (2015). The Essential Student Guide to Professional Photography. CRC Press. ISBN 9781604135978.