Geutah
Geutah; leugeut nyaéta hiji istilah umum pikeun nyebut kana cairan éncér atawa ogé kuled anu kaluar tina organ tutuwuha anapon mahluk hirup. [1]Geutah ilaharna ngabagel sababara waktu tisaprak kaluar alatan ayana kondensasi. Dina mahluk hirup, geutah dipaké pikeun nyebut kana cairan limfatik (getah bening).[2][3]
Dina tutuwuhan, geutah tayalian sagala rupa cairan boh éncér atawa kuled anu bijilna tina tangkal, daun, kembang, atawa buah anu diturih; henteu dibédakeun naha éta cairan mangrupa nutrisi tina pembuluh tapis atawa cairan anu mibanda métabolit sekundér tina pembuluh lateks atawa pembuluh resin. Pikeun tutuwuhan, kagunaan cairan-cairan ieu mangrupa hiji alat pertahanan diri mangsa ngubaran raheut dina awakna.
Latéks dihasilkeun ku loba tutuwuhan ina anggota bangsa Malpighiales (misalnya suku Apocynaceae jeung Euphorbiaceae). Resin, hars, atawa cairan damar mangrupa cairan kuled tur rada transparan anu ngabagel di mana kaluar tina tangkalna. Resin dihasilkeun ku loba tangkal tina anggota Pinales (tumbuhan berunjung) ogé sababaraha anggota Dipterocarpaceae jeunh Burseraceae.[4]
Geutah mibanda niléy ékonomi kawilang luhur, sababaraha rupa komoditas dagang tradisional ti Nusantara mangrupa produk turunan getah, saperti gondorukem, terpentin, kopal, karet, jeung geutah perca.[5]
Dicutat tina[édit | édit sumber]
- ↑ Lema Getah pada KBBI Daring.
- ↑ Zimmerman, Ulrich (2002). "What are the driving forces for water lifting in the xylem conduit?". Physiologia Plantarum 114 (3): 327–335. doi:10.1034/j.1399-3054.2002.1140301.x. PMID 12060254.
- ↑ Tyree, Melvin T. (1997). "The cohesion-tension theory of sap ascent: current controversies". Journal of Experimental Botany 48 (10): 1753–1765. doi:10.1093/jxb/48.10.1753. http://jxb.oxfordjournals.org/content/48/10/1753.short.
- ↑ Marschner, H (1983). "General introduction to the mineral nutrition of plants". Inorganic Plant Nutrition. Encyclopedia of Plant Physiology 15 A. Springer. pp. 5–60. ISBN 978-3-642-68887-4. doi:10.1007/978-3-642-68885-0_2.
- ↑ "How to Remove Tree Sap From a Car". HowStuffWorks. 20 August 2019. Diakses tanggal 23 December 2020.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
 |
Wikimedia Commons mibanda média séjénna nu patali jeung Getah. |