Glukagon nyaéta hormon péptida, dihasilkeun ku sél alfa tina pankréas. Gawéna pikeun ngangkat kadar glukosa jeung asam lemak dina aliran getih, sarta dianggap hormon katabolik utama dina awak.[1] Ieu hormon ogé dipaké pikeun natambaan sababaraha kasakit. Pangaruhna sabalikna ti insulin, anu nurunkeun kadar glukosa ékstrasélular.[2]
Pankréas ngaluarkeun glukagon nalika kadar insulin (jeung sacara teu langsung glukosa) dina saluran getih kurang teuing. Glukagon ngabalukarkeun haté ngarobah simpenan glikogén jadi glukosa nu dileupaskeun kana aliran getih.[3] Sabalikna, luhurna kadar glukosa-getih ngarangsang sékrési insulin. Insulin ngamungkinkeun glukosa bisa dicokot jeung dipaké ku jaringan depénden-insulin. Ku kituna, glukagon jeung insulin téh bagian tina sistem eupan balik nu ngajaga stabilna kadar glukosa-getih. Glukagon ngundakkeun dikaluarkeunana énergi; loba dikaluarkeun nalika setrés.[4] Glukagon asup kana kulawarga sékrétin hormon.
