Handarusa
| Handarusa | |
|---|---|
 | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Ngaran binomial | |
| Justicia gendarussa | |
| Sinonim | |
|
Gendarussa vulgaris | |
Handarusa; Justicia Gendarussa nyaéta ngaran tutuwuhan ubar anu biasa hirup di semak, umumna dipelak minangka tutuwuhan ubar atawa tumuwuh liar di leuweung jeung sisi walungan.[1][2] Di Jawa ieu tutuwuhan téh tumuwuh di dataran anu luhurna 1 - 500 méter dpl.[2] Tumuwuhna ajeg, jangkungna bisa nepi ka 2 méter, tur loba régangna.[2] Régang anu ngora kénéh warnana bungur kolot, sarta lamun geus kolot warnana jadi coklat hérang.[2] Daun cicingna pahareup-hareup, mangrupa daun tunggal anu wangunna lansét kalayan panjang 5 nepi ka 20 cm, rubakna 1 nepi ka 3,5 cm, sisina rata, tungtung daun seukeut, warnana héjo kolot.[2] Kembangna laleutik warnana bodas atawa pasagi lalutik anu nyusun dina runtuyan malai anu nguncup, rambutna sumebar sarta kaluar tina kélék daun atawa tungtung pakangna.[2] Buahna buleud panjang.[2] Sajaba anu miboga watang hideung sakumaha anu loba dipikawanoh, aya ogé handarusa anu watangna héjo.[2] Handarusa ngandung zat justicin, minyak atsiri, kalium sarta alkaloid anu rada aya racunan.[2] Bagian tangkal anu mindeng dimangpaatkeun nyaéta daunna.[3] Rasana has, rada lada, haseum, sarta kesed.[3] Dumasar pangalaman, handarusa dipercaya bisa mantuan ngalancarkeun peredaran getih, ogé minangka ubar seueul sarta antirematik.[3]
Referensi
[édit | édit sumber]- ↑ Heyne, K. (1913). De nuttige planten van Nederlandsch-Indië, tevens synthetische catalogus der verzamelingen van het Museum voor Technische- en Handelsbotanie te Buitenzorg. Museum voor Economische Botanie (Bogor, Indonesia): Batavia, Ruygrok. hlm. 177. Disungsi21 Maret 2023 Salah ngutip: Parameter "”" tidak sah pada tanda
<<ref>. Parameter yang didukung adalah: dir, follow, group, name. - 1 2 3 4 5 6 7 8 9 Gandarusa Archived 2011-10-26 di Wayback Machine (id) (Diakses ping 10 November 2011)
- 1 2 3 Gandarusa Archived 2011-09-12 di Wayback Machine (id) (Diakses ping 10 November 2011)
Tutumbu Kaluar
[édit | édit sumber]- Christophe, Wiart (January 2006). Medicinal Plants Of The Asia-pacific: Drugs For The Future?. World Scientific. ISBN 9789814480338.