Hendri Saputra
 |
Artikel ieu keur dikeureuyeuh, punten tong waka diédit atawa dirobah eusina. |
| Hendri Saputra | ||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Informasi pribadi | ||||||||||||||||||||||||||||||||||||||||||||||||||||||
| Ngaran lahir | Hendri Kurniawan Saputra | |||||||||||||||||||||||||||||||||||||||||||||||||||||
| Kabangsaan |  Singapura | |||||||||||||||||||||||||||||||||||||||||||||||||||||
| Lahir | 12 Méi 1981 Semarang, Jawa Tengah, Indonesia | |||||||||||||||||||||||||||||||||||||||||||||||||||||
| Jangkung | 1.72 m (5 ft 8 in) | |||||||||||||||||||||||||||||||||||||||||||||||||||||
| Beurat | 68 kg (150 lb) | |||||||||||||||||||||||||||||||||||||||||||||||||||||
| Panyepengan | Kanan | |||||||||||||||||||||||||||||||||||||||||||||||||||||
| Réngking pangluhurna | 39 | |||||||||||||||||||||||||||||||||||||||||||||||||||||
| Réngking ayeuna | 894 (21 Februari 2013) | |||||||||||||||||||||||||||||||||||||||||||||||||||||
Rekam medali
Citakan:MedalSport
| ||||||||||||||||||||||||||||||||||||||||||||||||||||||
| Profil di BWF | ||||||||||||||||||||||||||||||||||||||||||||||||||||||
Hendri Kurniawan Saputra (gumelar di Semarang, 12 Méi 1981) atawa nu dipiwanoh Hendri Saputra nyaéta urut atlét pamaén badminton Indonésia.[1] Sanajan gumelar di Indonésia kiwari manéhna geus jadi warga negara SIngapura.[1][2]
Kasang Tukang
[édit | édit sumber]Manéhna anak kaopat ti salapan urang budak pasangan Sugeng Subagjo jeung Sri Saryan. Pikeun manéhna badminton geus lain hal nu ahéng deui kusabab lingkunganna ogé teu jauh ti pamaén badminton. Lain ngan saukur Hendri wungkul nu jadi pamaén badminton téh, kitu deui sababaraha urang dulurna ogé jadi pamaén badminton nu profésional.[3] Hendri Kurniawan Saputra mutuskeun pikeu pindah kawarganagaraan jadi warga nagara Singapura dina taun 2005.[4] salian ti manéhna, adi jeung lanceukna ogé ( Mulya Sari jeung Hendra WIjaya) gues jadi warga nagara Singapura.[2] [4] Salila karir di Singapura manéhna geus loba nyumbang medalli pikeun nagara éta.[2]
Karir
[édit | édit sumber]Taun 2000 manéhna mimiti gabung jeung Singapore Badminton Association (SBA), di Singapura menéhna naratas jadi pamaén badminton profesional.[2] [4]
Dina taun 2006, Saputra ngawakilan Singapur dina acara Commonwealth Games di Melbourne, Australia, nu mana manéhna ngawakilan pikeun ganda campuran nu papasangan jeung Li Yujia. Manéhna bisa ngéléhkeun lawan maén ti sababaraha nagara, nu diantarana ngélehkeun pamaén ti nagara Kénya Victor Odera jeung Irene Kerimah, wawakil ti Kanada Mike Beres jeung Valerie Loker, sarta wawakil ti nagara Australia, Travis Denney jeung Kate Wilson-Smith di babak panyisihan, ngan hanjakal di semi final manéhna éléh ku pasangan asal nagara Ingrris, Nathan Robertson jeung Gail Emms, kalayan hasil 21–19, 14–21, and 17–21. Sanajan di semi final manéhna éléh ku pasangan asal nagara Inggris, tapi manéhna jeung Li meunangkeun patandangan jeung nagara tatangga nyaéta pasangan ti nagara Malaysia Koo Kien Keat jeung Wong Pei Tty pikeun medali parungu kalayan meunangkeun hasil tilu set 21–14, 21–23, and 21–6.[4]
Salian ti éta manéhna ogé lolos pikeun ngawakilan Singapura di Olimpiade Musim Panas taun 2008 di Béijing, China kalayan nyicingan posisi ka 13 salaku salah sahiji pamaén nu unggul ti 15 urang pamaén pang unggulna ti daftar Federasi Bulu Tangkis Dunia. Maén jeung Li Yujia pikeun kadua kalian, Saputra éléh dina babak panyisihan ku pasangan ti nagara Dénmark sarta juara Eropa "nyaéta Thomas Laybourn jeung Kamila Rytter Juhl, kalayan skor 12-21 jeung 14-21.[4]
Taun 2009, manéhna jeung lanceukna nyaéta Hendra Kurniawan Saputra ngawakilan Singapura salaku pamaén ganda pikeun meunangkeun medali. Dina acara éta manéhna éléh ku pamaén unggulan di Olimpiade 2008 nu ngawakilan nagara Indonésia nyaéta Hendra Setiawan dan Markis Kido kalayan skor jatuh 20-22, 21-17, 21-18. Ngawakilan nagara adopsi anyar, maranéhna miboga tujuan pikeun meunangkeun patandangan ieu.[5]
Sanggeus manéhna mutuskeun pindah jadi warga nagara Singaura dina taun 2005, Hendri Kurniawan Saputra ogé meunangkeun Panghargaan Meritorious SNOC salila tilu taun kusabab kontribusina di tingkat internasional dina campuran ganda jeung Li Yujia. Pasangan ieu meunangkeun medali parunggu mimiti pikeun Singapura di Commonwealth Games taun 2006 di Melbourne, Australia.[5]
Dina Pesta Olahraga Persemakmuran taun 2010 di Délhi, India, manéhna ngahiji deui jeung pasangan nu biasa nyaéta lanceuk tegesna Hendra Saputra pikeun ngawakilan Singapura. Pasangan ieu ngeléhkeun Matthew Gleave ti nagara Irlandia Kalér jeung Tony Stephenson, Isle of Man Joshua Green jeung Matthew Wilkinson, sarta Watson Briggs jeung Paul van Rietvelde ti nagara Skotlandia di babak panyisihan. Dina semi final manéhna éléh ku pasangan wawakil nagara Malaysia nyaéta Tan Boon Heong jeung Koo Kien Keat, kalayan skor 11-21 dan 8-21. Saputra jeung lanceukna, Wijaya nuluykeun patandangan pikeun meunankeun medali perunggu, dina ieu patandngan manéhna ngéléhkeun pamaén badminton wawakil ti nagara Singapura ogé nyaéta Derek Wong jeung Chayut Triyachart pikeun medali perunggu, kalayan skor 23-21 jeung 21-12.[4][6][7]
Prestasi
[édit | édit sumber]Salila karirna, Hendri Saputra jadi salah sahiji atlét nu diandelkeun ku Singapura, kungsi meunangkeun sababaraha medali, nu diantarana, taun 2006 dina acara Commonwealth Games di Melbourne, Australia manéhna meunang Medali Parunggu di ganda campura, saliian ti 'eta, meunangkeun Medali Pérak jeung Perunggu nalika tanding di Sea Games 2007 nu pasangan jeunng Hendra Wijaya. Biasa dipasangkeun jeung Hendra Wijaya, manéhna ogé sok dipasangkeun jeun Li Yuija dina ganda campuran.[2]
Marén
[édit | édit sumber]Teu lila sanggeus Pesta Olahraga Persemakmuran, Hendri Kurniawan jeung lanceukna Hendra Kurniawan ngumumkeun yén maranéhna mundur ti tim badminton nasional Singapura, kusabab manéhna ngarasa yén target nu hésé jeung teu boga posisi di Singapore Badminton Association (SBA) .sanggeus lima taun jadi atlét di Singapura.[4]
Rujukan
[édit | édit sumber]- ↑ a b "Hendri Kurniawan Saputra Bio, Stats, and Results". Olympics at Sports-Reference.com. Diakses tanggal 2019-12-10.
- ↑ a b c d e INDOSPORT.com. "4 Fakta Pelatih Tunggal Putra yang Dikritik Taufik Hidayat". INDOSPORT.com. Diakses tanggal 2019-12-14. Archived 2019-11-01 di Wayback Machine
- ↑ INDOSPORT.com. "4 Fakta Pelatih Tunggal Putra yang Dikritik Taufik Hidayat". INDOSPORT.com. Diakses tanggal 2019-12-10. Archived 2019-11-01 di Wayback Machine
- ↑ a b c d e f g PeoplePill. "Hendri Saputra: Badminton player - Biography, Life, Family, Career, Facts, Information". peoplepill.com (dalam en-US). Diakses tanggal 2019-12-27.
- ↑ a b Lin, Jan. "Olympic champions survive Hendra and Hendri's hounding". RED SPORTS (dalam en-US). Diakses tanggal 2019-12-27.
- ↑ AFP. "Two medals and muddle for Singapore - Emirates24|7". www.emirates247.com. Diakses tanggal 2019-12-25.
- ↑ "Badminton – Men's Doubles (Bronze Medal)". Archived 2017-07-11 di Wayback Machine