Lompat ke isi

Juniper beri

Ti Wikipédia Sunda, énsiklopédi bébas

Juniper beri
Juniperus communis subspésiés communis
di Walanda
Status konservasi
Klasifikasi ilmiah edit
Karajaan: Plantae
: Tracheophytes
Divisi: Pinophyta
Kelas: Pinopsida
Ordo: Pinales
Kulawarga: Cupressaceae
Génus: Juniperus
Séksi: Juniperus sect. Juniperus
Subséksi: Juniperus subsect. Juniperus
Spésiés:
J. communis
Ngaran binomial
Juniperus communis
Sumebar sabudeureun dunya
Sebaran alami di Amérika Kalér

Juniper béri nyaéta siki buah pinus bikangna tina tutuwuhan juniper. Juniper béri wangunna buleud semu sisitan. Sisitna pinuh pisan nepi ka sarupa kulit buah.[2][3][4] Juniper béri dipaké minangka rempah kalawan rasa anu semu pait.[5][6]

Juniper béri (Juniperu communis L.) nyaéta salah sahiji tutuwuhan tina génus nu boga spésiés nu jumlahna 60-70 rupa. Jinis juniper béri anu pangmindengna dipaké nyaéta nu asalna tina varietas Juniperus communis L. Ilaharna mah ieu téh ndisebut juniperus, ogé dipikawanoh minangka buah juniperi, jujiper, jeung "catang supernatural".[5] Juniper béri nu ngora kénéh warnana semu héjo, sarta dina umumna varietas warnana bakal robah jadi ungu lamun geus asak sanggeus leuwih kurang dua atawa tilu taun.[3][7][8]

Ieu spésiés mimiti muncul kira-kira 250 juta taun ka tukang, kalawan geus aya di bumi anu bagian daratanna masih ngahiji dina hiji buana anu disebut Pangaea, sarta ieu ngajelaskeun spésiés tunggal Junperus cmmunis  asalna bisa ti Eropa, Asia, jeung Amérika Kalér.[4]

Sajarah

[édit | édit sumber]

Catetan mimiti anu nuliskeun dipakéna juniper béri nyaéta aya dina naskah papirus Mesir taun 1.500 saméméh maséhi sarta digunkeun pikeun ngubaran inféksi cacing pita.[2][9][10] Buah juniper béri kapanggih dina makam Tutankhamun, ti jaman mesir kuno. Ieu buah dipaké pikeun ramuan jajamu dina prosés ngabalsem mayit.[5][10]

Juniper nyaéta simbul kasuburan Déwi Ashera pikeun bangsa Kanaan. Urang Eropa kulon melak ieu tangka di deukeur panto imahna pikeun nyinglar sihir. Haseupna dipaké ku urang Skotlandia pikeun nyinglar iblis, cara anu dipaké ku urang Tibét.[9] Urang Romawi ngagunakeun ieu juniper béri pikeun ngaberesian beuteung tina kasakit. Ahli hérbal abad pertengahan, Culpeper, maké ieu tutuwuhan pikeun ngubaran beuteung kembung.[2][10][11]

Dina abad pertengahan, juniper béri dianggap minangka jajamu pikeun jimat panyalindung sarta dipaké pikeun nyinglar werejit atawa sihir. Haseup beungbeuleumanana anu seungit dipaké pikeun ritual meresihan jeung mantuan dina ngaramal. Dina waktu perayaan féstival Samhain pikeun bangsa Celtic, juniper béri dibeuleum pikeun ngamimitian hubungan jeung dunia séjén.[2]

Pikeun bangsa asli Amérika Kalér, juniper béri dipaké minangka ubar tuberkulosis jeung inféksi kandung kemih. Urang Yunani maké ieu tutuwuhan dina upacara pikeun nyucikeun jeung ningkatkeun stamina atlet.[5][10] Urang Romawi ngagunakeun juniper béri pikeun ngaganti pedes hideung anu mahal lantaran kudu diimpor ti India.[5]

Dina ilmu tatamba (pengobatan) tradisional Cina, juniper béri geus mangabad-abad dipaké mianngka stimulan pikeun ginjal jeung kandung kemih, dipaké minangka antibiotak pikeun inféksi jeung ubar pikeun masalah pencernaan dina lambung, usus, jeung limpa.[5] Ari urang Indian Zuni maké ieu buah pikeun mantuan prosés ngalahirkeun. Ahli hérbal di Inggris ngagunakeunna pikeun ngubaran gagal jantung kongestif jeung pikeun stimulasi menstruasi. Ku ahli hérbal Amérika abad kasalapan belas, juniper béri digunakeun minangka ubar gagal jantung kongestif, gonore jeung inféksi saluran kemih.[11][12]

Déskripsi

[édit | édit sumber]

Juniper béri nyaéta pepelakan jenis gymnospermae anu wangun tangkalna leutik kalawan warna kulit tangkalna coklat semu beureum. Wangun tunas leutikna segi tilu. Kalakayna wangun silinder, ipis, lemes jeung ngareuy. Pucukna kira-kira 3 mm sisitan. Daunna nu ngora kénéh wangunna saperti jarum, panjangna 5–12 mm, tungtung daunna seukeut, bukuan di bagian handapna jeung cucukan. Daunna tilu umpak jeung tetep saperti kitu salila 3 taun. Juniper béri mangrupa jinis tutuwuhan anu tumuwuh langsung tina kalakayma kalawan stoma tunggal anu gedé jeung gedé di lebah luhurna, kadang-kadang dibagi ku garis héjo nepi ka puhuna jeung mindengna mah boga kelenjar anu ngaluarkeun geutah.[13][14][15][16]

Ieu tutuwuhan biasana boga sifat dioseus. Ukuran buah pinus jaluna (strobili) kira-kira 8 mm, tunggal asak jeung ligar unggal taunna kalawan 3-6 benang sari; serbuk saruna teu jangjangan. BUah pinus nu bikangna muncul tina puhu daun, ukuranna 5–10 mm kalawan wangunna buleud sampurna atawa jeung variasi wangun oval. Di bagian handapna dikurilingan sisit saeutuk anu fungsina saperi daun, terus seperti kitu nepi ka asak, tuluy ngagabung jari hiji jeung wangunna saperti beri, lamun geus asak warnana biru. Ieu buah pinus bikangna téh manjang, semu buleud saperti endog kalawan wangun juru tilu. Hiji buah pinus bikangna ngahasilkeun 1-3 siki binih, masing-masing panjangna 4–5 mm, nancep kana dagung buah amis nu geutahan, jeung tuluy kasimpen di jero buah pinus dina waktu megar. Buah pinus bikangna asak dina waktu sataun nepi ka tilu taun.[13][14][15][16]

Juniperus communis nyaéta spésiés juniper anu sumebarna panglegana, hirupna babarengan jeung spésiés nu sarupa séjénna. Para panalungtik ngabédakeun jenis nu hiji jeung jinis nu séjénna dumasar kualitas taneuh, karaktersitik organismeu unsur hara jeung faktor iklim. Sahenteuna aya 10 varietas Juniperus communis nu geus kapanggih.[13]

Budidaya

[édit | édit sumber]

Juniperus communis dibudidayakeun dina perdagangan hortikultura jeung dipaké minangka tutuwuhan hias di taman. Sababaraha varietas anu dibudidayakeun meunang pangajén Awar of Garden Merit ti Royal Horticultural Society dina taun 1993,[17] nyaéta:

  • Juniperus communis 'Compressa'[18]
  • Juniperus communis 'Green Carpet'[19]
  • Juniperus communis 'Hibernica'[20]
  • Juniperus communis 'Repanda'[20]

Rujukan

[édit | édit sumber]
  1. ↑ Farjon, A. (2013). "Juniperus communis". IUCN Red List of Threatened Species (IUCN) 2013: e.T42229A2963096. doi:10.2305/IUCN.UK.2013-1.RLTS.T42229A2963096.en. https://www.iucnredlist.org/species/42229/2963096. Diakses pada 16 December 2019. 
  2. ↑ a b c d "Juniper Berry Benefits & Information". Indigo Herbs. Diakses tanggal 2020-06-06. 
  3. ↑ a b "Juniper Berry: Top Health Benefits [2020 List]". urbol.com (dalam en-US). Diakses tanggal 2020-06-06. 
  4. ↑ a b "Piney & Pungent Juniper Berries". Lowlander Botanical Beers (dalam en-US). Diakses tanggal 2020-06-06.  Archived 2022-12-09 di Wayback Machine
  5. ↑ a b c d e f "The Health Benefits of Juniper Berries". Verywell Health. Diakses tanggal 2020-06-06. 
  6. ↑ "Juniper Berries Benefits, Uses, Side Effects and Interactions". Dr. Axe (dalam en-US). Diakses tanggal 2020-06-06. 
  7. ↑ "Juniper berry". Monterey Bay Spice Company. Diakses tanggal 2020-06-06. 
  8. ↑ "Juniper Berries - Wild Rose College of Natural Healing" (dalam en-US). Diakses tanggal 2020-06-06.  Archived 2020-06-06 di Wayback Machine
  9. ↑ a b "Mountain Rose Herbs: Juniper Berries". www.mountainroseherbs.com (dalam en-US). Diakses tanggal 2020-06-06. 
  10. ↑ a b c d "Juniper defines Gin. An indepth look at the spirit's core botanical". Gin Foundry (dalam en-GB). Diakses tanggal 2020-06-06. 
  11. ↑ a b Ana, Soumy. (2006). Menjaga kesuburan. Jakarta: Prestasi. ISBN 9799799959552. OCLC 298480442. 
  12. ↑ "Juniper Berry | Winchester Hospital". www.winchesterhospital.org. Diakses tanggal 2020-06-06.  Archived 2020-06-06 di Wayback Machine
  13. ↑ a b c Ravindran, P. N., 1942-. The encyclopedia of herbs and spices. Boston, Massachusetts. ISBN 978-1-78684-754-6. OCLC 1032316294. 
  14. ↑ a b "Juniperus communis (common juniper): Go Botany". gobotany.nativeplanttrust.org. Diakses tanggal 2020-06-06. 
  15. ↑ a b "Plant Database". www.hort.uconn.edu. Diakses tanggal 2020-06-06. 
  16. ↑ a b "Juniper". science.jrank.org. Diakses tanggal 2020-06-06. 
  17. ↑ "RHS AGM Listing January 2015 (Ornamentals)". 
  18. ↑ "Juniperus communis 'Compressa' | juniper 'Compressa'/RHS Gardening". www.rhs.org.uk. Diakses tanggal 2020-06-06. 
  19. ↑ "Juniperus communis 'Green Carpet' | juniper 'Green Carpet'/RHS Gardening". www.rhs.org.uk. Diakses tanggal 2020-06-06. 
  20. ↑ a b "Juniperus communis 'Hibernica' | Irish juniper/RHS Gardening". www.rhs.org.uk. Diakses tanggal 2020-06-06. 
Dicomot ti "https://su.wikipedia.org/w/index.php?title=Juniper_beri&oldid=662171"