Karokét

Ti Wikipédia, énsiklopédia bébas
Jump to navigation Jump to search
Karokét

Karokét nyaéta hiji kadaharan anu bentukna buleud panjang aya bagéan kulitna nu garing jeung aya eusian.[1] Ari kulitna dijieun tina adonan tarigu nu digarang ipis semu asak, sedengkeun eusina mah bihun jeung parudan wortol anu geus disamaraan.[2] Didaharna karokét mah sok jeung sambel suuk atawa saos, sakapeung mah sok didahar sapasang jeung leupeut, buras atawa kupat.[2] Kecap karokét téh asalna tina kecap basa Perancis nyaéta Croquette, di bawa ka wewengkon Pasundan ku urang Walanda.[3]

Ari di Walanda, karokét téh kadaharan ragout anu dilapisan ku endog bobodasna jeung bubuk roti, tuluy digoréng.[3] Eusina cacagan daging hayam jeung kentang dicampur sayuran jiga wortol, buncis jeung gamas.[3] Méméh digoréngna karokét téh diguyangkeun kana kocokan endog bobodasna tuluy digulanggapérkeun kana bubuk roti, mun di urang Sunda nyebutna nu kitu téh risoles.[3]

Rujukan[édit | édit sumber]

  1. Detik. Smakkelijk Eten Dalam Suasana Rumah Belanda. Ditempona tanggal 29 Mei 2017.
  2. a b Superindo. Risoles Bihun Wortel. Ditempona tanggal 29 Mei 2017.
  3. a b c d Wikivisually. Kroket. Ditempona tanggal 29 Mei 2017.