Kecap lemes énténg

Dina tabél tatakrama basa Sunda bagéan kecap panyambung, kecap lemes énténg ditulis dina kolom ragam basa hormat ka batur jeung hormat ka sorangan. Katémbong dina kosakecap panyambung anu aya di luhur, lolobana kecap anu aya dina dua ragam basa hormat mah teu robah.

Kecap lemes énténg (aksara Sunda baku: ᮊᮨᮎᮕ᮪ ᮜᮨᮙᮨᮞ᮪ ᮆᮔ᮪ᮒᮦᮀ, palapalan basa Sunda: [kəcap ləməs enteŋ]) nyaéta kosakecap basa Sunda anu digunakeun dina sakur ragam basa hormat, boh basa hormat ka batur atawa basa hormat ka sorangan. Jadi kaitungna mah, kecap lemes énténg téh mangrupa kecap lemes anu nétral atawa teu gumantung ka panyatur (kayaning contona Kecap sedeng) atawa ka lawan panyatur (contona Kecap lemes jeung Kecap lemes pisan).

Biasana kosakecap lemes énténg ngawengku kosakecap anu nyampak dina kelas kecap salian ti verba, kayaning kelas kecap nomina jeung adjéktiva.

Kandaga kecap

Ieu di handap mangrupa conto kecap lemes énténg (anu dikandelan) jeung sasaruannana dina kecap loma.

Loma	Lemes énténg
sawah	sérang
jeung	sareng
lamun	upami
balong	émpang
sangkan	supados
antara	antawis
atawa	atanapi

Tempo ogé

• Kecap lemes pisan
• Kecap lemes
• Kecap lemes dusun
• Kecap sedeng

Rujukan

Daptar Pabukon

• Anderson, Edmund A. (1997). M. Clark. ed. "The Use of Speech Levels in Sundanese". Papers in Southeast Asian Linguistics No. 16 (Pacific Linguistics and/or the author(s)) A-90 (16): 1-45. doi:10.15144/PL-A90.1. https://openresearch-repository.anu.edu.au/bitstream/1885/253655/1/PL-A90.1.pdf. 
• Coolsma, S. (1985) [1904]. Tata bahasa Sunda. Jakarta: Djambatan. OCLC 13986971.