Kecap lemes énténg

Ti Wikipédia Sunda, énsiklopédi bébas
Dina tabél tatakrama basa Sunda bagéan kecap panyambung, kecap lemes énténg ditulis dina kolom ragam basa hormat ka batur jeung hormat ka sorangan. Katémbong dina kosakecap panyambung anu aya di luhur, lolobana kecap anu aya dina dua ragam basa hormat mah teu robah.

Kecap lemes énténg (aksara Sunda baku: ᮊᮨᮎᮕ᮪ ᮜᮨᮙᮨᮞ᮪ ᮆᮔ᮪ᮒᮦᮀ, palapalan basa Sunda: [kəcap ləməs enteŋ]) nyaéta kosakecap basa Sunda anu digunakeun dina sakur ragam basa hormat, boh basa hormat ka batur atawa basa hormat ka sorangan. Jadi kaitungna mah, kecap lemes énténg téh mangrupa kecap lemes anu nétral atawa teu gumantung ka panyatur (kayaning contona Kecap sedeng) atawa ka lawan panyatur (contona Kecap lemes jeung Kecap lemes pisan).[1]

Biasana kosakecap lemes énténg ngawengku kosakecap anu nyampak dina kelas kecap salian ti verba, kayaning kelas kecap nomina jeung adjéktiva.

Kandaga kecap[édit | édit sumber]

Ieu di handap mangrupa conto kecap lemes énténg (anu dikandelan) jeung sasaruannana dina kecap loma.[2]

Loma Lemes énténg
sawah sérang
jeung sareng
lamun upami
balong émpang
sangkan supados
antara antawis
atawa atanapi

Tempo ogé[édit | édit sumber]

Rujukan[édit | édit sumber]

Catetan suku[édit | édit sumber]

  1. Anderson 1997, pp. 12.
  2. Coolsma 1985, pp. 14.

Daptar Pabukon[édit | édit sumber]