Kijing
| Kijing | |
|---|---|
_-_Unionidae_-_Mollusc_shell.jpeg) | |
| Kijing (Pilsbryoconcha exilis) | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Génus: | |
| Spésiés: | P. exilis |
| Ngaran binomial | |
| Pilsbryoconcha exilis | |
| Sinonim | |
| |
Kijing (Pilsbryoconcha exilis) nyaéta jinis kerang cai tawar anu asup kana kulawarga Unionidae.[2] Ieu sato hirupna kalembu (terpendam) dina jero leutak di dasar walungan, situ, atanapi sawah di Tatar Sunda sarta sakuliah Asia Tenggara.[3]
Kijing (Pilsbryoconcha exilis) nyaéta sabangsaning kekerangan anu aya dina cai tawar.[4] Kijing téh haremis tapina nu geus gedé, hirupna sok di walungan.[2][4] Kijing mah resepna cicing dina jero leutak, nyumput, sakapeung sok nyecebkeun manéh kana jero keusik walungan nu suhuna tiis pisan.[3][4] Ari kulit cangkangna warna konéng, aya ogé bagéan anu warna bulao kahideung-hideungan.[4] Cangkangna teuas jiga marmer, tapi teu buluan.[4] Mun dibuka téh ngagoréhél bagéan jerona jiga jeroan kepah atawa kupang.[4]
Kandungan kijing
[édit | édit sumber]Ari kijing ieu ngandung asam lemak teu jenuh eicosapentaenoic acid (EPA) jeung docosahexaenoic acid (DHA) sarta ngandung protéin hewani nu euyeub ku asam amino.[5] Susunan kandungan asam amino bisa nangtukeun kualitas protéin.[5] Kerang umumna mah dikonsumsi ku cara diolah sacara tradisional.[5] Pangolahan panas bisa ngahasilkeun produk dahareun kalawan watek-watek nu dipikahayang atawa sabalikna, nyaéta keleungitan zat-zat gizi, jeung parobahan watek sénsori ka arah parobahan nu kurang dipikaresep jeug kurang katampa.[5]métodeupangolahan nu ilahar dilakukeun di rumah tangga nyaéta panyeupanan.[5] Kijing miboga niléy réndemen nu pangluhurna dina cangkangna.[5] Niléy panurunan kijing salila prosés pangukusan gedéna 29,73 %.[5] Komposisi kimia kijing dumasar basis garing kawengku tina kadar cai 441,71%, kadar lebu 16,68%, kadar lemak 5,85%, kadar protéin 48,21% jeung karbohidrat 29,26%.[5] Kandungan protéin leyur uyah dina kijing leuwih luhur tibatan protéin leyur cai.[5] Protéin daging kijing nu ngawengku tina 17 asam amino, nyaéta 9 asam amino ésénsial jeung 8 asam amino non-ésénsial.[5] Kandungan asam amino pangluhurna nyaéta asam glutamat.[5] Kijing lokal miboga kandungan taurin gedéna 0,087%.[5] Komposisi kimia dina kijing rata-rata ngalaman panurunan sanggeus prosés pangukusan.[5]
Mangpaat kijing
[édit | édit sumber]Ieu kijing téh miboga mangpaat anu hadé pisan, nyaéta bisa nyageurkeun panyakit konéngeun.[4] Ieu kijing téh dikulub sagelas unggal peuting, disusul isukna ku nginum timulawak dicampur gula kawung.[4] Dina mangsa gancangna 3 poé bakal katempo parobahanna.[4] Angen teu pati seueul deui sarta panon jeung kulit teu pati konéng deui.[4] Dina sabulan mah geus bisa cageur salawasna.[4] Lian di inum, kijing ogé sok diolahkeun salaku deungeun sangu anu ngeunah.[4]
Nami Lokal
[édit | édit sumber]Riwayat Taksonomi
[édit | édit sumber]Kijing munggaran didéskripsikeun sacara ilmiah ku **Isaac Lea** dina taun 1838 kalayan nami Anodonta exilis.[1] Nami genusna robah jadi Pilsbryoconcha pikeun ngahormatan saurang ahli moluska (malakologi) Henry Augustus Pilsbry. Nami spésifik exilis dina basa Latin hartosna "langsing" atanapi "ipis", nujul kana bentuk cangkangna anu rada gepéng sarta ipis.[6]
Pemerian (Ciri Fisik)
[édit | édit sumber]Kijing miboga sapasang cangkang (bivalvia) anu simétris. Warna cangkangna ilaharna héjo lumut, coklat, atanapi hideung di bagian luar, sedengkeun bagian jerona miboga lapisan nacre (indung mutiara) anu ngagurilap warna bodas pérak.[3] Bentukna lonjong sarta rada ipis dibandingkeun jeung kerang laut.
Rujukan
[édit | édit sumber]- 1 2 Lea, I. (1838). "Description of New Freshwater and Land Shells". Transactions of the American Philosophical Society. Vol 6: 81. Link Web.
- 1 2 Kottelat, M. (2013). "The fishes of the inland waters of Southeast Asia". Raffles Bulletin of Zoology. Supplement No. 27: 15.
- 1 2 3 Whitten, T., et al. (1996). The Ecology of Java and Bali. Hong Kong: Periplus Editions. Kaca 217. ISBN 962-593-072-8.
- 1 2 3 4 5 6 7 8 9 10 11 12 Kompasiana. Kijing Atau Haremis; Obat Sakit Kuning yang Mujarab dan Lezat. Ditempona tanggal 23 Mei 2017.
- 1 2 3 4 5 6 7 8 9 10 11 12 13 Repository IPB. Karakteristik Protein dan Asam Amino Kijing Lokal (Pilsbryoconcha exilis) dari Situ Gede, Bogor Akibat Proses Pengukusan. Ditempona tanggal 23 Mei 2017.
- ↑ "Pilsbryoconcha exilis". (2026). MolluscaBase.