Kiwi

Ti Wikipédia, énsiklopédia bébas
Luncat ka: pituduh, paluruh
Kiwi
Klasifikasi ilmiah
Karajaan: Animalia
Filum: Chordata
Kelas: Aves
Order: Struthioniformes
Kulawarga: Apterygidae
G.R. Gray, 1840
Génus: Apteryx
Shaw, 1813

Kiwi (Apteryx) nyaéta manuk anu aslina ti nagara Selandia Anyar.[1] Manuk kiwi mah henteu bisaeun hiber malahan hente katembong mibanda jang-jang, kulantaran jang-jangna leutik jeung pondok.[1] Buluna kawas sato mamalia, henteu kawas manuk atawa unggas anu séjéna.[1]Mangsa nyiar hakanen kiwi kukulunuan diluhureun taneuh, ngandelkeun pangambeuna anu kacida kuatna.[1] Liang irungna aya dina tungtung pamatukna anu panjang, kahakanan karesepna kayaning cacing, gegeremet, sakapeung ogé kana sisikian.[1]Pangawakan kurang leuwih sagede hayam, beuratna nepika 4 kg.[2] Sanajan awakna leutik endog manu kiwi mah kawilang gedé, beurat endogna méh saparapat tina awakna.[1] Kurang leuwih beurat rata-rata 450 gr atawa 9 kali leuwih beurat batan endog hayam.[1] Manuk kiwi mah endogan ngan hiji dina sakali usum ngendog.[1]

Manuk kiwi téh sato nokturnal, hartina manuk kiwi mah mimiti ingkah tina sayang atawa panyumputan mangsa geus datang poék peuting.[3] Sanajang manuk kiwi mangrupa perlambang nagara Selandia Anyar, ieu manuk henteu bisa kitu waé katempo kumelendang di alam bebas.[3] Manuk kiwi pamatukna panjang, henteu mibanda buntut, panonna kurang awas mangsa nyiar hakaneun tapi pangangseuna seukeut kacida.[2] Sanajan sukuna pondok, manuk kiwi bisa norolong lumpat kalawan gancang mangsa panggih jeung pibahayaeun.[2] Kiwi mah endogna ngan hiji dina sakali usum ngendog.[2]

Tutumbu luar[édit | édit sumber]

Wiktionary logo
Baca ogé pedaran Wikikamus ngeunaan kecap

Rujukan[édit | édit sumber]

  1. a b c d e f g h Wulan, Bobby P, Fidyastria S. (2014). Dunia Burung dan Serangga: Mengenal Fakta Sains dan KeunikannyaSERI BUKU PINTAR DUNIA. Jakarta: Zikrul Hakim Bestari. p. 42. ISBN 9789790639690. 
  2. a b c d Farndon, John (2003). Ensiklopedia mini hewan. Jakarta: Erlangga for Kids. p. 81. ISBN 9789796889891. 
  3. a b Natalia Poskitt, SusanS. Dunia Burung dan Serangga: Mengenal Fakta Sains dan Keunikannya SERI BUKU PINTAR DUNIA. Jakarta: Bentang B first. ISBN 9786021246962. 
Nulis.jpg