Klor

Ti Wikipédia Sunda, énsiklopédi bébas
Klor

Klor nyaéta hiji unsur kimia dina tabél périodik anu miboga lambang Cl jeung nomor atom 17.[1] Klor kapanggih dina taun 1774 ku Carl Wilhelm Scheele, manéhna salah nebak yén klor téh ngandung oksigén.[2] Ieu unsur meunangkeun ngaranna nu siga kiwari téh taun 1810 ku Humphry Davy.[2] Unsur kimia murni klor wangunna gas diatomik nu warnana héjo.[2] Ngaran klor éta téh asalna tina kecap latin chloros, nu hartina héjo, nujul kana warna gas ieu.[2] Gas klor miboga beurat 2,5 kali hawa, miboga bau pinyesekkeun, sarta pohara racunna.[2] Dina wangun cair jeung padet mah klor mangrupa oksidator kuat, pamutih, jeung agén disinféktan nu kuat.[2] Ieu élemen mangrupa bagéan tina séri halogén pangwangun uyah anu bisa diékstrak tina klorida liwat oksidasi jeung éléktrolisis.[2] Di alam, klor loba kapanggihna téh sanyawaan jeung unsur natrium ngabentuk uyah dapur (NaCl), sarta kapanggih dina karnalit jeung silvit.[2] Klorida ngawangun loba uyah di lautan kurang leuwih 1,9% tina massa cai laut nyaéta ion klorida.[2]

Rujukan[édit | édit sumber]

  1. "Tabel Periodik (Indonesian Periodic Table)". PTable. Diakses tanggal 3/12/2016. 
  2. a b c d e f g h i "Klorin (Cl): Fakta, Sifat, Kegunaan & Efek Kesehatannya". Amazine. Diakses tanggal 3/12/2016.  Archived 2014-07-30 di Wayback Machine