Konyal

Ti Wikipédia, énsiklopédia bébas
Luncat ka: pituduh, sungsi
Konyal
Buah Passiflora ligularis
Klasifikasi ilmiah
Karajaan: Plantae
Divisi: Magnoliophyta
Kelas: Magnoliopsida
Order: Malpighiales
Kulawarga: Passifloraceae
Génus: Passiflora
Spésiés: P. ligularis
Ngaran binomial
Passiflora ligularis
A.Juss.

Konyal (Passiflora ligularis) nyaéta tutuwuhan anu numutkeun laratan mah cenah asalna ti Pagunungan Andés antara Bolivia jeung Vénézuéla, sumebar nepi ka Argéntina bagian kalér jeung Méksiko. Di luar tempat asalna, ieu tutuwuhan aya di Jawa, pagunungan tropis Afrika, jeung Australia nu hawana 15°-18 °C, kadar hujan 600-1000 mm per taun, di patempatan anu luhurna 1700-2600 lbl.

Buah konyal kelirna oranyeu nepi ka konéng, kalawan pola anu henteu meles. Bentukna buleud rada lonyod, panjang 6,5-8 cm kalawan diaméter 5,1-7 cm. Cangkangna lénang jeung teuas, tapi ngepros mun digencét. Rohang bagian jerona dibulen ku kulit ipis anu ngabungkus siki-sikina. Sikina hideung jeung teuas, dibulen ku lapisan transparan ngandung gelatin anu amis. Siki jeung lapisan amis nu ngabulenna bisa dituang, euyeub ku rupa-rupa zat gizi: vitamin A, C, jeung K, fosfor, beusi, jeung kalsium.

Produsén utama konyal di antarana Péru, Vénézuéla, Kolombia, Ékuador, Brazil, Afrika Kidul, jeung Kénya, nu lolobana dijual ka AS, Kanada, Bélgia, Walanda, Suis, jeung Spanyol.

Rujukan[édit | édit sumber]

Tumbu kaluar[édit | édit sumber]