Lompat ke isi

Lampeni

Ti Wikipédia Sunda, énsiklopédi bébas
Ardisia elliptica
Klasifikasi ilmiah
Karajaan:
(unranked):
(unranked):
(unranked):
Ordo:
Kulawarga:
Génus:
Spésiés:
A. elliptica
Ngaran binomial
Ardisia elliptica
Sinonim

Ardisia solanacea Roxb.
Ardisia humilis Vahl.

Lampeni; Ardisia elliptica nyaéta tutuwuhan anu asalna tina kulawarga Primulaceae . Ieu tutuwuhan loba kapanggih di India, Sri Lanka, Indochina, Malaysia, Indonesia jeung New Guinea. Tutuwuhan ieu gancang gedéna sarta mibanda kembang anu éndah, ku kituna ieu tutuwuhan remen ngahaja dipelak pikeun hiasan di buruan. [1]

Ciri mandiri[édit | édit sumber]

Ardisia elliptica wujudna mangrupa rungkun anu jangkungna bisa ngahontal 5 méter. [1] Tangkalna ajeg ka luhur, dahan parondok tur lalempeng. Daun wujudna lonyod aya ogé anu semu buleud, kalawan téksturna lemes tur hérang. Kembangna ngawujud payung, bijil tina tungtung dahan. Kembangna bodas nepika beureum ngora, buahna nunggal mimiti kelirna héjo kotor, tuluy robah jadi beureum, di mana geus asak robah deui kelirna jadi bungur nepika hideung. Buah anu asak, umapa dipecéh jerona wungu. Gedéna kurang leuwih 5-6 mm. Binih atawa sikina wujudna buleud ukuranna kurang leuwih diaméter 5 mm.[1]


Spésiés[édit | édit sumber]

Ardisia solanacea jeung Ardisia humilis ku sababaraha ahli botani dianggap sarua spésiés na jeung Ardisia elliptica.[2] [3]

Di alam liar ieu tutuwuhan buahan dina umur 2-4 taun, sedengkeun di kebon anu ngahaja dipelak dina umur 1-2 taun geus mimiti buahan. Tutuwuhan déwasa di leuweung anu kasorot ku panonpoé bisa buahan nepi ka 400 siki. Buahna laleutik gampang dihakan an ku manuk-manuk anu sok ngakuan bungbuahan, ku cara kitu ieu tutuwuhan bisa gancang narékahan ka mana-mana. [4]


Dicutat tina[édit | édit sumber]

  1. a b c Karl Hasskarl, Justus (1845). Aanteekeningen over het nut, door de bewoners van Java aan eenige planten van dat eiland toegeschreven. Universitas Oxford: J. Müller. p. 76.  Disungsi8 April 2021
  2. "Shoebutton ardisia: Ardisia elliptica" Gulma dari situs web Australia, http://keyserver.lucidcentral.org/weeds/data/03030800-0b07-490a-8d04-0605030c0f01/media/Html/Ardisia_elliptica.htm Archived 2015-09-21 di Wayback Machine (diakses tanggal 28 Februari 2013)
  3. "Shoebutton ardisia: Ardisia elliptica" Gulma dari situs web Australia, http://keyserver.lucidcentral.org/weeds/data/03030800-0b07-490a-8d04-0605030c0f01/media/Html/Ardisia_elliptica.htm Archived 2015-09-21 di Wayback Machine (diakses tanggal 28 Februari 2013)
  4. Koh Hwee Ling, Chua Tung Kian, dan Tan Chay Hoon.