Patani
Patani nyaéta pakasaban nu aya dina widang tatanén. Indonésia mangrupa nagara nu ngahasilkeun tatanén anu gedé. Ieu hal nu jadi lantaran Indonésia miboga dua iklim, nyaéta musim hujan jeung musim halodo. [1] Kalawan ayana dua musim ieu, patani bisa ningkatkeun tatanén jeung nyaluyukeun pepelakan atawa naon rupa pepelakan nu kudu dipelak dina usum hujan jeung usum halodo. Hal ieu bisa nguntungkeun ka para patani.
Patani ngokolakeun lahan ku cara melak paré, bungbuahan, sayuran, jeung nu lainna.[2] Loba kaahlian nu diwajibkeun ku patani, saperti kamampuh pikeun ngaidentifikasi masalah-masalah tatanén nu aya. Pikeun ngajaga panén anu suksés, patani ogé kudu ngagunakeun alat jeung mesin anu leuwih canggih. Para patani ogé bisa nyadiakeun bahan atah pikeun industri, saperti buah pikeun jadi jus, wol atawa kapas pikeun nyieun baju, ogé serealia pikeun minuman nu ngandung alkohol. Patani profésional terus ngamekarkeun rupa-rupa téhnik pikeun ngaronjatkeun produk tatanén anu hadé.[2]
Saha waé bisa jadi patani, boh nolah lahan nu pribadi atawa ngagajih buruh tani pikeun ngolah lahan nu bogana. Hal ieu ngabuktikeun yén jekema nu disebut tani téh dumasar kana widang gawéna, lain ukur kapamilikan lahan maranéhanana.
Sajarah
[édit | édit sumber]Sajarah tatanén geus aya di jaman Neolitikum. Di Jaman Perunggu (5000 nepi ka 4000 SM), bangsa Sumeria miboga babaéan tatanan gawé dina tatanén. Nalika panén, dilakukeun sacara kelompok kalayan jumlah anu loba. Sajarah patani nyaéta bagéan tina sajarah kabudayaan manusa. Patani muncul nalika hiji masarakat mampu ngajaga bahan pangan pikeun dirina sorangan.
Kawasan Hilal Subur di Asia Barat, Mesir jeung India mangrupa lokasi mimiti budidaya pepelakan. Saacan ayana tatanén, manusa biasana néangan kabutuhan pangan ku cara néangan di alam bebas. Tatanén mekar sacara mandeg mandiri di sababaraha tempat, nyaéta di China, Afrika, Papua, India, jeung Amerika.[3]
Salaku bagéan tina budaya manusa, tatanén mawa révolusi utama dina kahirupan manusa saméméh ayana révolusi nu lumangsung. Bisa disebutkeun yén révolusi pertanian téh mangrupa révolusi kabudayaan nu munggaran kaalaman ku masarakat.
Kamekaran téhnologi tatanén di unggal tempata béda-béda, ku kituna tina jadwal pangwangunan tatanén di unggal tempat ogé béda-béda. Contona di daérah Afrika jeung Asia Tengah, masih aya kelompok semi-nomaden nu bisa tatanén tapi tetep pindah-pindah pikeun miara kaayaan bahan pangan. Samentara éta, traktor badag nu bisa nampung hiji jalma bisa mere dahar ratusan jalma.
Métode Tatanén
[édit | édit sumber]Di nagara maju, patani miboga lahan anu lega jeung tatanén dilakukeun ku mesin nu kawilang canggih pikeun ngahontal éfisiénsi anu luhur. Ku ayana mesin cangghih ieu bisa jadi ngurangan kana kabutuhan tanaga gawé manusa.
Di nagara-nagara miskin atawa budaya pra-industri, lolobana patani ngalakonan pertanian subsisten, sistem patani organik nu ngagunakeun rotasi pepelakan, nyisihkeun binih, motong jeung ngaduruk, atawa métode nu lainna.
Organisasi Patani
[édit | édit sumber]- La Via Campesina
- Federasi Serikat Petani Indonésia
- Himpunan Kerukunan Tani Indonésia
- Pergerakan Tani Nelayan Indonésia Mandiri - PETANI MANDIRI
- Rumah Tani Indonésia (RTI)
- GPN - Gerakan Petani Nusantara
- KOPRABUH
- International Federation of Agricultural Producers
Patani nu Kawéntar
[édit | édit sumber]- Jose Bove
- Jimmy Carter
- Thomas Jefferson
- George Washington
- Liu Bang
- Zhu Yuanzhang
- George Washington Carver
Peran jeung Tanggung Jawab Patani
[édit | édit sumber]Salian tina ngokolakeun lahan tatanén, patani ogé peran jeung tanggung jawab nu kudu dilakonan saperti ngajamin kautuhan ékosistim jeung kaanékaragaman hayati dina lahan tatanén. Ogé ngatur konflik jeung sato nu dianggap hama nu jadi penyeimbang ékosistim. Peran jeung tanggung jawab patani ogé wajib miara jeung ngarawat kondisi taneuh dina lahan, wajib ngalestarikeun lingkungan jeung teu ngagunakeun produk nu aya bahan kimia. Peran patani ieu wajib pisan sabab saupama patani teu ngajaga, ngarawat jeung ngokolakeun lahan tatanén hal ieu nyebabkeun hasil pepelakanna bakal goréng, ogé mangaruhan kana harga jual pepelakan nu antukna bakal ngurangan harga. Ieu bisa ngarugikeun patani salaku nu boga lahan tatanén jeung nu gawé bareng
Jejer nu Patali
[édit | édit sumber]- Agribisnis
- Patani organik
- Lahan usaha tani
- Rukun tani
Référénsi
[édit | édit sumber]- ↑ Yigibalom, Yosia (April-Juni 2020). "Sikap Mental Petani Dalam Usaha Bidang Pertanian Tanaman Pangan Di Desa Jirenne Kabupaten Lanny Jaya Propinsi Papua". Jurnal Holistik.
- ↑ a b "ahli pertanian".
- ↑ Balter, Michael (2015-09-23). "Oldest decapitation in New World dates back 9000 years". Science. doi:10.1126/science.aad4612. ISSN 0036-8075. http://dx.doi.org/10.1126/science.aad4612.