Phase-locked loop

Ti Wikipédia Sunda, énsiklopédi bébas


Dina éléktronik, phase-locked loop (PLL) nyaéta hiji sistim kadali umpan balik closed-loop anu ngajaga sinyal nu dibangkitkeun sangkan aya hubungan fase nu tetep dibandingkeun jeung sinyal référénsina.

Téhnik ieu loba digunakeun dina radio, télékomunikasi, komputer jeung aplikasi éléktronik séjénna anu miharep distabilkeunnana sinyal nu dibangkitkeun atawa pikeun ngadetéksi sinyal dina kaayaan pinuh ku noise. ku sabab hiji integrated circuit bisa nyekel blok wangunan phase-locked loop sacara lengkap, téhnik ieu loba digunakeun dina parangkat éléktronik modéren, nu miboga frékuénsi ti saper sikleus per detik nepi ka sababaraha gigahertz.

Operasi Dasar[édit | édit sumber]

Analogi Mékanis[édit | édit sumber]

Nyetél benang (string) dina piano bia dibandingkeun jeung operasi hiji phase-locked loop. ngagunakeun garpu tala atawa pipah nada pikeun nyadiakeun frékuénsi référénsi, tensi string disetél ka luhur atawa ka handap antukna frékuénsi irama henteu kadéngé. Tepatna, ieu mangrupa hiji conto loop anu kakonci frékuénsina, sabab fase référénsi jeung string nu disetél henteu penting kana setélan piano. Phase-locked loop ngaréspon boh ka frékuénsi, ogé kana fase tina sinyal asupan, nu saterusna naékkeun atawa nurunkeun frékuénsi osilator nu dikadalikeun sacara otomatis nepikeun ka saluyu jeung référénsi, boh frékuénsi atawa fasena.

PLL Dasar[édit | édit sumber]

PLL ilaharna diwangun tina detéktor fase, low pass filter sarta voltage-controlled oscillator (VCO) nu ditempatkeun dina konfigurasi umpan balik négatip. Mungkin ogé ngagunakeun pangbagi dina jalur umpan balik atawa dina jalur référénsi, atawa dina duanana, pikeun ngahasilkeun clock kaluaran minangka pangali rasional tina référénsina. Ku jalan ngaganti pangitung (counter) sederhana nu dibagi N (divide-by-N) dina jalur umpan balikna ngagunakeun programmable pulse swallowing counter, dimungkinkeun pikeun ngahasilkeun pangalian pecahan tina frékuénsi référénsi di saluareun PLL.

Référénsi[édit | édit sumber]