Pulo Staffa

Ti Wikipédia Sunda, énsiklopédi bébas
Loncat ke navigasi Loncat ke pencarian
Staffa
Ngaran asli:
Stafa
Staffa from the air (cropped).jpg
Pulo Staffa katempo ti luhur
Géografi
Sistem grid BritaniaNM323355
Élévasi pangluhurna42 m (138 ft)
Administrasi
Demografi
PangeusiTeu dieusian ti taun 1800
Informasi tambahan
Zona wanci
  • UTC
[1][2]

Pulo Staffa nyaéta hiji pulo leutik anu aya di Skotlandia, Britania Raya. Pulo ieu teu dieusian ku jelema.

Sajarah[édit | édit sumber]

Pulo Staffa kungsi jadi sorotan para inohong di tungtung abad ka-18 sarta awal abad ka-19. Ieu pulo jadi tempat anu ditarima di grand tour budaya Éropa. Kaéndahanana mimiti kapanggih saenggeus Sir Joseph Banks kungsi datang ka ieu pulo di taun 1772, dina lalampahanana ka Islandia. Manéhna nulis:[3]

"Dibandingkeun jeung ieu, katédral atawa istana naon baé anu diwangun ku manusa! Ngan sakur modél atawa cocooan lamun dibandingkeun jeung alam."

Teu kungsi lila, Johnson jeung Boswell ngalampah ka pulo-pulo, tapi ngan bisa nempo pulo Staffa ti laut ku sabab hésé pikeun eureun ka pulo éta. [3]

Nalika Mandelssohn balik deui ka daratan saenggeus ka pulo Staffa, manéhna tuluy nyieun piano pikeun nyobaan téma anu kainspirasi ku guha Fingal anu aya di ieu pulo.[3][4]

Tuluy, wisata ka ieu pulo jadi beuki kasohorna, nepi ka ahirna Ratu Victoria di taun 1847, datang ka pulo Staffa sarta asup ka guha Fingal.[3]

Géologi[édit | édit sumber]

Di pulo Staffa, aya tilu lapisan batu anu béda anu rupa-rupa, anu katutupan ku taneuh anu subur. Lapisan panghandapna nyaéta tufa, anu vulkanik anu kakomprési, tuluy lapisan tengah kasusun ku kolom-kolom basaltik, sarta anu pangluhurna nyaéta kolom-kolom anu pacampur sarta sésa-sésa gunung seuneu.[5][6]

Kolom basaltik anu aya di ieu pulo disababkeun ku pendinginan anu stabil ti aliran lava nalika paantel jeung batuan anu leuwih tiis sarta beunang dampak tina cuaca di Skotlandia Kalér. Kabeneran, kontraksi dina pendinginan ngahasilkeun kolom anu sampuna, dina wangun héksagonal (juru genep). Kurva dina kolom disababkeun ku bentuk batuan anu jadi dadasar nalika lava ngocor.[5]

Kadang, pamariksaan anu taliti di éta kolom nuduhkeun yén endapan bodas di antara sendi, saolah-olah saperti semén. Padahal, hal ieu disababkeun ku uyah saperti kalsit anu diperes kaluar tina basal ku kakuatan kontraksi anu luar biasa nalika batu éta niisan.[5]

The Nature Conservancy nyebutkeun yén ieu téh mangrupa "conto anu spéktakulér tina panggabungan kolom dina aliran lava dataran luhur térsiér". Di taun 1973, pulo ieu ditetepkeun jadi Situs Minat Husus Ilmiah.[5]

Kira-kira 60 juta taun ka tukang, aktipitas gunung seuneu sok aya, anu nyababkeun lava dibahékeun jauh ka Atlantik. Lolobana geus kakikis sarta geus sumebar, tapi pulo Staffa, kapuloan Treshnish, sarta pulo-pulo leutik lianna masih kénéh aya dina kaayaan anu weuteuh.[5]

Kolom basal kawangun ku aliran lava masif tunnggal nalika ditiiskeun sarta dipadetkeun ku cara anu kakendalikeun sacara bertahap. Nalika matérial niisan, volumeuna ngaleutikan sarta rohang leutik anu misahkeun kolom kajieun. Sacara téoritis, unggal kolomna kudu jadi wangun héksagonal sampurna, lamun prosés pendinginan kajadian sacara saragam. Tapi, loba varéasi-varéasi wangun batuan anu kabentuk.[5]

Guha Fingal[édit | édit sumber]

Di pulo Staffa, aya hiji guha anu ngaranna guha Fingal, anu perenahna di sisieun laut. Ieu guha diaranan Fingal dumasar caritaan kira-kira taun 250 maséhi.[7]

Guha Fingal kasusun ku wangun kolom héksagonal. Jangkung guha kira-kira 10 méter. Ieu guha téh kasohor pisan.[7]

Alam jeung Konservasi[édit | édit sumber]

Cagar Alam Nasional Staffa
IUCN Kategori II (Taman Nasional)
Sea cliffs
Sea cliffs
LokasiArgyll and Bute, Skotlandia
Lega307 ha (760 acres)[8]
DitetapkeunnaWarisan Alam Skotlandia (SNH)
Diadegkeun2001[9]
Dipiboga kuNational Trust for Scotland
Staffa National Nature Reserve

Di taun 1800 aya tilu uncal di ieu pulo, tuluy digentikeun ku embé sarta babaraha sapi hideung.[1] Saenggesuna, ngangon di usum panas dilakukeun pikeun domba ku crofter anu asalna tina Iona, tapi di taun 1997 sakabéh ingon-ingon geus dipindahkeun. Hal ieu naybabkeun régénerasi végétasi pulo.[10] Di pulo ieu loba rupa-rupa tutuwuhan, di antarana aya common heather, kidney vetch, common-bird's-foot trefoil, wild thyme jeung tormentil. Tegalan clifftop ngarojong kana kahirupan spésiés-spésiés saperti red fescue, yorkshire fog, thrift, sea campion, sea plantain jeung ribwort plantain. [11]

Staffa sacara nasional penting pikeun fulmar, common shag, jeung puffin, [11] sarta kittiwake suku hideung jeung camar ogé sok nyayang di ieu pulo. Laut di sabudeureunana nyadiakeun kadaharan pikeun manuk laut, anjing laut, lumba-lumba, hiu, paus, sarta paus pilot.[10]


Pulo ieu geus ditetepkeun jadi cagar alam nasional ti taun 2001.[12] Cagar alam nasional diklasifikasikeun aréa anu ditangtayungan minangka Kategori II ku Persatuan Internasional pikeun Konservasi Alam.[9] Staffa ogé mangrupa Situs minat ilmiah husus (SSSI),[13] sedengkeun laut di ssabudeureun pulo ditetepkeun jadi Kawasan Konservasi Husus (SAC). [14] Pulo Staffa nyaéta bagian ti Aréa Indah Nasional Loch Na Keal, salah sahiji ti 40 di Skotlandia.[15]

Tingali ogé[édit | édit sumber]

Pulo

Rujukan[édit | édit sumber]

  1. a b Haswell-Smith (2004) pp. 124–27
  2. Ordnance Survey 1:50,000 First Series (1976) Sheet 48
  3. a b c d "The history of Isle of Staffa, Scotland". Staffa Tours. Diakses tanggal 2020-02-11. 
  4. "Staffa: A medley". www.geotimes.org. Diakses tanggal 2020-02-15. 
  5. a b c d e f "Isle of Staffa Geology | Fingal's Cave, Scotland". Staffa Tours. Diakses tanggal 2020-02-15. 
  6. Scotland, National Trust for. "Staffa". National Trust for Scotland. Diakses tanggal 2020-02-15. 
  7. a b "Fingal's Cave, Scotland | Isle of Staffa". Staffa Tours. Diakses tanggal 2020-02-15. 
  8. "Staffa NNR". Scottish Natural Heritage. Diakses tanggal 2019-03-29. 
  9. a b "Staffa di United Kerajaan Inggris Raya dan Irlandia Utara". Diakses tanggal 2019-03-29. 
  10. a b "Staffa" Scottish Natural Heritage. Retrieved 10 December 2006.
  11. a b "Staffa Pernyataan Manajemen Situs SSSI". Warisan Alam Skotlandia. 2011-02-28. Diakses tanggal 2019-03-29. 
  12. "Staffa Cagar Alam Nasional". Diakses tanggal 2018-05-11. 
  13. "Staffa SSSI". Warisan Alam Skotlandia. Diakses tanggal 2019-03-29. 
  14. [https: //sitelink.nature.scot/site/10508 "Hebrides Dalam dan Minches SAC"]. Diakses tanggal 2019-03-29. 
  15. "Area Pemandangan Nasional" org / web / 20170311014235 / http://www.snh.gov.uk/protecting-scotlands-nature/protected-areas/national-designations/nsa/ Archived [Date missing] di archive. org [Error: unknown archive URL]. SNH. Diakses 30 Mar 2011.