Putu

Ti Wikipédia Sunda, énsiklopédi bébas
Kuéh putu jeung klepon
Kuéh putu dina daun cau
Kuéh putu keur diseupan

Putu (tina basa Jawa, puthu [ IPA: /puʈu/]) nyaéta salah sahiji kadaharan has Indonesia  nu dijieun tina gula beureum, parud kalapa, tipung béas nu rada kasar. [1] Ieu kadaharan dijieun dina citakan awi pondok nu geus diteundeun dina panci husus nu liangna luyu jeung jumlah citakan. Biasana didagangkeun pasosoré nepi ka peuting, sabab rasana nu kareueut jeung gurih téh leuwih énak didahar keur panas kénéh. Tukang dagang putu biasana ngaluarkeun sora nu has (ngahiung) tina pancina. Ieu disababkeun ku hawa panas nu kaluar tina lolongkrang citakan nu leutik. Lolobana warna putu téh bodas (parudan kalapa) atawa héjo (warna tina daun pandan atawa daun suji).[1]

Parobahan jaman[édit | édit sumber]

Jaman Kiwari, citakan nu ilahar tina awi téh sok diganti ku pipa PVC sangkan leuwih praktis, sanajan tina kaséhatan mah pipa PVC téh kurang mernah jeung ngabahayakeun. Lian ti éta, putu ogé geus sumebar ka nagara séjén, saperti Singapura jeung Malaysia. Sanajan tina segi bentuk rada béda. Ari rasana mah kurang leuwih jiga putu nu aya di Indonesia.

Rujukan[édit | édit sumber]

  1. a b "Bahan Membuat Kue Putu Yang Empuk Dan Enak". resepmasakansederhana.info (dalam en-US). Diakses tanggal 2017-10-17.