Rambutan

Ti Wikipédia, énsiklopédia bébas
Luncat ka: pituduh, paluruh
Rambutan
Rambutan
Klasifikasi ilmiah
Karajaan: Plantae
(unranked): Spermatophyta
(unranked): Dicotykedonae
Order: Sapindales
Kulawarga: Sapindaceae
Génus: Nephellium
Spésiés: Nephellium lappaceum Linn.

Rambutan (Nephellium lapaceum) nyaéta salah sahiji wanda bungbuahan anu kaasup kana jenis tatangkalan tropis. Rambutan asalna ti wewengkon Kepuloan di Asia Tenggara.[1] Kecap rambutan asalna dicokot tina wangun buahna anu miboga kulit sarupa jeung buuk atawa rambut.

Rambutan loba kapanggih di wewengkon tropis saperti Afrika, Kamboja, Karibia, Amerika Tengah, India, Indonesia, Malaysia, Filipina, Thailand jeung Sri Lanka.

Morfologi[édit | édit sumber]

Rambutan mangrupa tatangkalan taunan, sacara alami tangkal rambutan bisa nepi ka 25 m atawa leuwih. Tapi umpamana dibudidayakeun umumna ngan nepi 5-9m. Wangun tangkalna saperti payung kalawan jangkungna 5–10 m. Sistem akar nu jero. Watang rambutan boga kai nu heuras, wanguna gilig, tumuwuh jangkung kokoh sarta warnana rada coklat nepi ka bodas semu coklat. Cabangna tumuwuh sacara horisontal sakapeung saeutik miring ka luhur. Daun rambutan wanguna buleud panjang kalawan tungtung tumpul atawa runcing sarta dina umumna warnana héjo kolot atawa ngora gumantung variétasna.[2]

Kembang muncul ti kélék daun atawa ditungtung cabang kasusun dina tandan. Unggal tandan kawengku ku 50-2000 kembang. Kembang rambutan ukurana leutik warnana konéng kalawan tangkey nu pondok.[2]

Rujukan[édit | édit sumber]

  1. Rochani, Siti. 2007. Bercocok Tanam Rambutan. Jakarta: Azka Press
  2. a b Rukmana, Rahmat. 2002. Rambutan. Yogyakarta: Kanisius
Nulis.jpg