Risoles

Ti Wikipédia Sunda, énsiklopédi bébas
(dialihkeun ti Risol)
Risoles

Risoles ( rissole) nyaéta salah sahiji kuéh garing nu eusina daging jeung sayuran dibungkus dina hiji gulungan nu dijieun tina tipung roti jeung diolésan ku endog hayam meunang ngocok. [1] Ieu kadaharan bisa ogé dipanggang dina open. [1] Risoles nu ukuranana leutik bisa dipaké jadi hiasan keur kadaharan nu ukuranana gedé, saperti potongan daging hayam atawa daging sapi.[1] Eusi risoles bisa maké daging ayam, daging sapi, daging lauk, hurang, supa, wortel, kentang, atawa buncis. [1] Adonan gulunganana dijieun tina campuran tipung tarigu, endog kokonéngna, mantega (margarin), jeung cai atawa susu. [1] Risoles anu kawentar di Indonesia nyaéta risoles sayuran nu dicampur daging jeung risoles nu eusina ragout.[1] Ieu kuéh wangunna segi panjang saperti amplop. Risoles segitilu téh umumna dieusian ragout.[1] Risoles bisa didahar maké sambel suuk nu éncér, sambel botol, atawa bari ngageletuk céngék.[1]

Kamekaran[édit | édit sumber]

Risoles didagangkeun di Pasar Malem.

Jaman baheula risoles disebut roinsolles, mimiti dipikawanoh dina abad ka-13.[2] Harita, ieu kadaharan téh ukur panekuk anu digoréng ngagunakeun mantéga atawa gajih sapi. [2] Ku kamekaran jaman, ieu kadaharan robah eusina ku daging sapi atawa hayam kalawan dicampur sayuran. Dina istilah kulinér Perancisrissoler téh kecap pagawéan miboga harti jadi coklat. [2] Rissoler pasti dibungkus ku hiji gulungan atawa nu sajinisna, biasana digoréng, tapi aya ogé nu digarang dina open.[3] Rasa rissole bisa asin atawa amis. Rasa amis téh ku sabab dipurulukan ku gula tipung atawa selé bungbuahan.[3]

Galéri[édit | édit sumber]

Referensi[édit | édit sumber]

  1. a b c d e f g h Habsari, Rinto (2002). Snack Gurih Goreng. Gramedia Pustaka Utama. p. 14. ISBN 9-7922-0048-7. 
  2. a b c Montagné, Prosper (1961). Larousse gastronomique: the Encyclopedia of Food, Wine & Cookery. London: Hamlyn. ISBN 0-600-02352-4. 
  3. a b Davidson, Alan (2006). The Oxford Companion to Food. Oxford University Press. p. 667. ISBN 0-1928-0681-5.