Samudra Atlantik

Ti Wikipédia, énsiklopédia bébas
Luncat ka: pituduh, paluruh
Samudra Atlantik

Samudra Atlantik nyaéta samudra pangbadagna kadua di Marcapada, sanggeus samudra Pasifik[1]. Ku total legana kurang leuwih 106,400,000 Kilométer pasagi (41,100,000 sq mi), Samudra Atlantik mungkus kurang leuwih 20 persén tina lakop Marcapada sarta kurang leuwih 29 persén tina aréa lakop cai[1]. Mimitina mah ngaran Atlantik téh nujul kana Atlas tina mitologi Yunani, ngajadikeun Atlantik téh "Laut Atlas"[1]. Samudra Atlantik mayakpak ti basisir kulon Éropah ka buana Afrika nepi ka basisir wétan buana Amérika[2]. Samudra Atlantik miboga lega kurang leuwih maparo jeung Samudra Pasifik sarta rata-rata jerona 3.350 méter sarta titik panglandeuhna 8.385 méter[2]. Posisi Samudra Atlantik penting pisan pikeun subrang-sebrangna rupining palabuan-palabuan badag nagara-nagara Éropah ka Amérika, ti nagara-nagara Afrika di basisir kulonna ka nagara-nagara Asia[2].

Karakteristik[édit | édit sumber]

  1. Mangrupa samudra anu numbukeun buana Éropah jeung buana Amérika[2]
  2. Aya fénomena Jurutilu Bermuda (basisir wétan Amérika deukeut Kapuloan Bermuda) anu kasohor ku ayana daya grafitasina anu badag atawa jadi puseur magnét marcapada sanajan bener henteuna mah can bisa dibuktikeun sacara ilmiah[2]
  3. Sawaréh wilayahna aya di wilayah garis bujur kulon[2]

Rujukan[édit | édit sumber]

  1. a b c "The New Encyclopædia Britannica", Citakan 2, Encyclopædia Britannica, 1974. kac. 294
  2. a b c d e f Kompasiana.com, Samudera dan karakteristiknya, Diaksés 11 Agustus 2015