Sanghyang Raga Déwata

Ti Wikipédia Sunda, énsiklopédi bébas
Loncat ke navigasi Loncat ke pencarian

Sanghyang Raga Déwata téh nyaéta salah sahiji naskah Sunda kuna koléksi Musieum Negri Sribaduga Jawa Kulon nomer inventaris 07.106. Ditulis dina bahan lontar lobana 50 lempir kalawan maké aksara pranagari jeung basa Sunda kuna.

Kaayaan Fisik[édit | édit sumber]

Kaayaan naskah cukup alus, utuh, masih lengkep, jeung masih bisa dibaca. Ieu naskah téħ ukuranana 23,7 x 3,5 cm kalawan ukuran rohangan tulisanana 22 x 2,8 cm. Jumlah baris unggal kacana 4 baris kalawan jarak antarbaris 0,6 cm. Wangun téks ieu naskah téh nyaéta prosa, ditulis ku cara diturih maké péso pangot jeung dibéré polésan mangsi pulas hideung (biasana maké beuleum muncang). Ieu naskah téħ kapanggihna ti wewengkon SukarajaTasikmalaya.

Eusi Naskah[édit | édit sumber]

Naskah anu judulna Sanghayng Raga Déwata téh eusi téksna ngeunaan mitos panyiptaan alam semesta katut eusia ku Pangéran nu Maha Esa. Panyiptaan éta dimimitian ku diwangunna siang tina poékna peuting ku kakuatan Sang Bayu, tuluy diciptakeun bumi, bulan, panon poé, jeung béntang-béntang dina wengkuan angkasa.

Satuluyna, naskah Sanghyang Raga Déwata téh nyaritakeun manusa anu asalna ti bumi dijadikeun hiji endog tina sakeupeul taneuh jeung ngajirim jadi Sanghyang Tunggal, tuluy jadi Batara Guru anu diperenahkeun di Gunung Kahyangan. Dina naskah ieu manusa téh dianggap minangka mikrokosmosna jagat raya, manusa dina sakum kahirupanana kudu salawasna ngajalankeun siksa (ajaran) Sanghyang Darma, éta téh mangrupa idéal anu engké baris bisa nepi ka swarga.

Sumber Rujukan[édit | édit sumber]

  • Balai Pengelolaan muséum Negeri Sri Baduga. 2008. Katalog Naskah Kuno Museum Negeri Sri Baduga. Disbudpar Jawa Barat:Bandung.


Old book bindings.jpg
Daptar Naskah Sunda Kuno Naskah Sunda Lontar.jpg
Amanat Galunggung - Bujangga Manik - Carita Parahiyangan - Carita Purnawijaya - Carita Radén Jayakeling - Carita Ratu Pakuan - Carita Waruga Guru - Kawih Paningkes - Pantun Ramayana - Sanghyang Hayu - Sanghyang Raga Déwata - Sanghyang Sasana Maha Guru - Sanghyang Siksa Kandang Karesian - Séwaka Darma - Sri Ajnyana - Tutur Bwana - Warugan Lemah