Sasanggaleun

Ti Wikipédia Sunda, énsiklopédi bébas
Loncat ke navigasi Loncat ke pencarian
Sasanggaleun dina cingir suku

Sasanggaleun (Basa Indonésia: kapalan; Basa Inggris: callus) nyaéta aréa kulit nu ngandelan minangkana mah réspons kana tekenan, teueulan, atawa iritasi lianna. Ngagasrok mun mindeng teuing mah atawa tarik teuing bakal nyumebabkeun lécét nu satuluyna ngamungkinkeun bijilna sasanggaleun. Ari margalantaranna mah bijilna sasanggaleun téh tina gasrokan kalawan mindeng, ilaharna bijil dina leungeun jeung suku, boh bagéan dampal leungeun jeung dampal suku boh bagéan kulit ramo suku alatan geus biasa leumpang atawa maké alas nu henteu meujeuhna atawa henteu cocog. Sasanggaleun téh saenyana teu bahaya, ngan sakapeung mah mantak piteugenaheun sarta bijilna masalah lian, kayaning ulserasi kulit, inféksi kulit atawa nyababkeun pikaateuleun nu ngarandapanna hayang miceun éta sasanggaleun jeung deuih sok mangaruhan aréa sabudeureun sasanggaleun jadi nyeri.