Spéktrum

Ti Wikipédia, énsiklopédia bébas
Loncat ke navigasi Loncat ke pencarian
Spéktrum dina katumbiri.

Spéktrum, asalna tina kecap basa Inggris kuna spectre anu hartina jurig, kiwari boga harti nu nyumber tina pamakéan dina élmu alam nyaéta hiji kaayaan atawa harga anu henteu kawates ngan ku sakumpulan harga waé tapi bisa robah sacara teu kawates dina jero hiji kontinum.

Pamakéan munggaran kecap spektrum dina élmu alam nyaéta dina widang optik pikeun ngagambarkeun katumbiri warna sabot cahaya dipengkolkeun (didispérsi) ku hiji prisma. Dina widang ieu, spéktrum nujul kana kumpulan sinyal anu mangrupa gelombang éléktromagnétik anu bisa katempo (karasa) ku panon manusa. Cahaya anu diliwatkeun kana hiji prisma dipisahkeun jadi warna-warna dumasar kana panjang gelombangna. Warna wungu nu aya di salah sahiji tungtung mibanda panjang gelombang pangpondokna sarta beureum dina tungtung séjénna mibanda panjang gelombang pangpanjangna. Antayan warna ti nu panjang gelombangna panjang ka nu panjang gelombangna pondok nyaéta beureum, jingga, konéng, héjo, paul, wungu ngawangun spéktrum dina katumbiri nu dihasilkeun ku prisma.

Saprak pamakéan kecap spéktrum dina widang optik, kecap spéktrum dilarapkeun minangka analogi dina sagala rupa widang séjén, contona 'spektrum opini pulitik' jeung sajabana.

Pakakas pikeun ngarékam spéktrum disebut spéktrométer.

Tempo ogé[édit | édit sumber]