Sundel bolong
Sundel bolong nyaéta hiji jurig awéwé anu gorowong atawa bolong tonggongna.[1] Matak gorowong tonggongna téh sabab basa maotna dikubur hirup-hirup, tuluy ngalahirkeun di jero kubur, biasana sundel bolong sok ngajungjurigan ka jalma anu geus maéhan manéhna sakapeung mah sok diheureuyan heula, terus dipaéhan.[1]
Déskripsi
[édit | édit sumber]Jurig sundel bolong digambarkeun yén hiji awéwé anu rambutna panjang jeung maké gaun panjang pulas bodas dina mitos jurig Indonésia. Sundel bolong dicaritakeun tonggongna gorowong bolong anu saeutik katutupan ku rambut panjangna antukna organ-organ awak beuteungna katingali.[2] Dimitoskeun jurig sundel bolong maot lantaran diperkosa jeung ngalahirkeun budakna dina jero kubur.[2] Biasana sundel bolong ogé dicaritakeun resep mawa orok-orok anu kakara dilahirkeun.[2] Tuluy orok-orok éta téh didahar ku manéhna pikeun kakuatanana jeung ngarah bisa terus males dendam atawa males kanyeri haté manéhna nalika hirup kénéh diperkosa té ku sababaraha urang jalma anu teu tanggungjawab.[1] Karesepna téh ampir sarua jeung kuntilanak, Wéwé Gombél nyaéta resep cicing dina tangkal, ngan bédana sundel bolong mah leuwih sadis maéhanana nepi ka dikurud jeroan peujit jalma anu maéhanana.[1]
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |