Tari Balét
.gif)
Tari Balét nyaéta ragem tari nu lahir di Prancis di jaman Raja Louis XVI, anu terus mekar ampir di sakumna dunya.[1] Balét atau ba'la asalna ti basa Italy (ballaré) nu hartina ngigel téa.[1] Balét nyaéta tarian ku tradisi, téhnik, jeung wangun gerakan nu boga ciri mandiri, jeung béda jeung wangun gerakan téater séjéna.[1]
Sajarah balét
[édit | édit sumber]Balét dimekarkeun hadi ballet de cour, nyaéta dansa sosial anu dibarengan ku musik, biantara, sajak, ngawih, dekor, jeung kostum ku para ningrat Prancis.[2] Satuluyna balét mekar jadi seni di Prancis dina masa pamerintahan raja Louise XIV anu mikacinta pisan kana seni tari.[2] Raja ngadegkeun Académie Royale de Danse dina taun 1661.[2] Abad ka-19 mangrupa périodeu di mana loba kajadian parobahan sosial.[2] Parobahan ieu kagambar dina balét, anu ngagésér jauh tina bentuk seni anu kaasup ningrat (Balét romantik).[2] Ballerina saperti Marie Taglioni jeung Fanny Elssler ngarintis téhnik anyar nyaéta pointe work balukarna peran ballerina (penari balét awéwé) jadi penting di luhur panggung.[2] Sedengkeun para librettist profesional mimiti asup kana cerita dina balét.[2] Balét ngalaman penurunan sanggeus 1850 di lolobana nagara barat salain Denmark jeung Rusia. Sanggar balét Rusia, utamana sanggeus Perang Dunia II, loba nu ngalakukeun tur kuliling dunya nepi ka balét tetep hidup di dunya jeung loba dipikawanoh ku masarakat umum.[2]