Tatah

Ti Wikipédia Sunda, énsiklopédi bébas
Tatah waja pikeun mahat kai.
Salah sahiji wangun tatah

Tatah nyaéta pakakas patukangan mangrupa potongan beusi nu seukeut tungtungna pikeun ngaliangan atawa ngukir barang teuas kayaning kai, batu, atawa logam.[1] Panyekelna dijieun tina kai atawa logam nu tungtungna mintul supaya bisa ditakol ku palu.[1] Dina ngagunakeuna, tatah téh ditekenkeun kanu bahan nu rék dijieun, dorongan bisa dilakukeun ku tanaga sorangan atawa maké palu.[1] Tatah téh mangrupa pakakas pokok tukang kai salian ti ragaji jeung méteran.[1] Biasana tatah téh panjangna leuwih ti 4 inchi, diukur ti tungtung sisi potong nepi ka puhuna.[2]

Jinis-jinis tatah[édit | édit sumber]

  1. Tatah Rata biasana digunakeun pikeun ngaratakeun jeung ngaliangan logam.[2]
  2. Tatah Kuku dgunakeun pikeun menerkeun titik puseur liang saacan dilakukeun prosés ngebor.[2]
  3. Tatah Potong digunakeun pikeun motonng pelat beusi nu ipis.[2]
  4. Tatah alur minyak digunakeun pikeun nyieun saluran oli keur pangleueur.[2]



Rujukan[édit | édit sumber]

  1. a b c d Arti Definisi Pengertian. Pengertian pahat. Diaksés 25 Séptémber 2017.
  2. a b c d e Eko Winarno. 2016. Teknik Menggunakan Perkakas Tangan (Kerja Bangku). Yogyakarta: Deepublish.