Tolombong
 Tolombong tradisional tina awi | |
| Asal | Tatar Sunda |
|---|---|
| Bahan | Awi (biasana awi tali atanapi gombong) |
| Fungsi | Wadah hasil panén atawa barang badag |
Tolombong téh nyaéta parabot rumah tangga anu dijieun tina anyaman tangkal awi beunang meulahan tur diipiskeun[1], ilaharna dipaké paranti ngawadahan paré, hui, jukut, dahareun, jeung réa-réa deui [2], mangsana dibawa tolombong téh biasana dikélék, disuhun, jeung ditanggung [3].
Pedaran
[édit | édit sumber]_(14596252009).jpg)
Tolombong mangrupa pakakas anu remen dipaké pikeun kahirupan sapopoé utamana mangsana usum panén[4], baheula méh unggal imah mibanda tolombong leuwih ti hiji meulina kawilang gampang ku jalan nukeur keun tolombong tinu dagang (biasana anu dagang nguriling bari ngabengkot naggung) jeung tilu kulak béas [5]. Biwir tolombong buleud sakurilingna diwengku sangkan leuwih kuat, palebah awakna buleud rata jeung biwir luhur ari beulah handapna masagi juruna aya opat, tolombong jangkung kurang leuwih tilu jeungkal leungeun kolot [6]. Aya deui anu wangunna sarua jeung tolombong ngan pédah leuwih gedé ukurana anu katelah ngarana telebug[7].
Kagunaan
[édit | édit sumber]Tolombong téh loba pisan guna jeung mangpaatna, umpamana dipaké ngawadahan dahareun mangsa arék dibawa/dipindahkeun katempat séjén, saperti dagangkeuneun, nganteuran dahareun keur anu digarawé disawah atawa dikebon (mupundutan), ngawadahan hasil panén saméméh dijual, jeung sajabana [8], Teu saeutik ogé tolombong dipaké ngiderkeun dagangan [9], tolombong ogé bisa dipaké wadah paranti neundeun atawa ngunjalan barang-barang séjéna [10][11],
Paribasa
[édit | édit sumber]Dina basa Sunda, aya paribasa anu ngagunakeun kecap tolombong, nyaéta:
- Siga tolombong mangséan: Digunakeun pikeun ngagambarkeun jalma anu miboga wangun awak anu badag tapi henteu proporsional, atawa jalma anu dandanana morontod teuing.
Tutumbu kaluar
[édit | édit sumber]Dicutat tina
[édit | édit sumber]- ↑ Tolombong dijieun tina belahan tangkal awi[tumbu nonaktif]
- ↑ Tolombong tina bahan awi
- ↑ Cara mawa tolombong
- ↑ Tolombong pakakas rumah tangga Archived 2017-03-29 di Wayback Machine
- ↑ Eusi dan kelengkapan rumah tangga tradisional menurut tujuan, fungsi dan kegunaan daérah Jawa Barat, Ena Sutarna, Sugiyarto Dakung, Departemen Atikan dan Kebudayaan, Proyek Inventarisasi dan Dokumentasi Kebudayaan Daérah, 1986
- ↑ Wangun tina tolombong[tumbu nonaktif]
- ↑ L LLid=jchkAAAAMAAJ&q=tolombong&dq=tolombong&hl=id&sa=X&ved=0ahUKEwiM_5ep46vNAhUOtJQKHe31A6Q4ChDoAQg0MAU Tolombong leuwih leutik batan telebug
- ↑ Tolombong dipake wadah kadaharan[tumbu nonaktif]
- ↑ Mustika Basa Kls 5 Smt 2, Grasindo, Tolombong wadah dagangan
- ↑ Tolombong paranti neundeun barang
- ↑ Sistem morfologi kata kerja Bahasa Sunda, Abud Prawirasumantri, Ahlan Husen, Elin Sjamsuri, Pusat Pembinaan dan Pengembangan Bahasa, 1979