Ultraviolét

Ti Wikipédia Sunda, énsiklopédi bébas

Ultrabungur (mindeng disingkat UV, tina basa Inggris: ultraviolet) nyaéta radiasi éléktromagnétik nu panjang gelombangna leuwih pondok batan cahaya katémbong, tapi leuwih panjang batan sinar-x anu leutik. Ultrabungur hartina "ngaliwatan bungur" (tina basa Latén ultra, "ngaliwatan"), sementawis bungur mangrupa warna nu dihasilekun ku radiasi éléktromagnétik nu panjang gelombangna pangpondokna di antara cahaya katémbong séjénna.

Radiasi UV bisa dibagi jadi ampir UV (panjang gelombang: 380–200 nm) sarta UV rohangan hapa (200–10 nm). Dumasar pangaruh radiasi UV kana kaséhatan manusa sarta lingkungan, panjang gelombang UV mindeng dibagi deui jadi UVA (380–315 nm), anu ogé disebut "Gelombang Panjang" atawa "blacklight"; UVB (315–280 nm), anu ogé disebut "Gelombang Panengah" (Medium Wave); sarta UVC (280-10 nm), anu ogé disebut "Gelombang Pondok" (Short Wave).

Sawatara sasatoan, kaasup manuk, réptil, sarta sarangga kawas nyiruan bisa nempo nepi ka ngahontal ultrabungur "ampir UV". Réa bungbuahan, kembang sarta binih katémbong leuwih écés ku éta sasatoan lamun kasang tukangna dina cahaya panjang gelombang UB.

Spéktrum éléktromagnétik

Gelombang radio | Gelombang mikro | Infrabeureum | Spéktrum cahaya katémbong | Ultraviolét | Sinar X | Sinar gamma