William Beebe

Ti Wikipédia Sunda, énsiklopédi bébas
Loncat ke navigasi Loncat ke pencarian
William Beebe
BeebeGuiana.png
William Beebe di British Guiana taun1917
LahirCharles William Beebe
29 Juli 1877
Brooklyn, New York
Tilar04 Juni 1962 (yuswa 84)
Trinidad
KabangsaanAmérika
WidangAhli Naturalis
Dipikawanoh lantaranNeuleumkeun Bathysphere ka laut jero pisan; karya tulis ngeunaan Manuk Kuau, sarta sababaraha buku ngeunaan sajarah alam
Layang pangajénDaniel Giraud Elliot Medal (1918)
Geoffroy Saint-Hilaire Medal (1921)[1]
John Burroughs Medal (1926)
Theodore Roosevelt Distinguished Service Medal (1953)

Charles William Beebe (/ˈbiːbi/; lahir 29 Juli 1977 di Brooklyn, Amérika jeung tilar dunya 4 Juni 1962 di Trinidad), nyaéta saurang ahli biologi Amérika, juru jelajah, juru ngaprak, jeung panulis sajarah alam anu ngagabungkeun panalungtikan biologi jeung kamampuh literasi anu kawilang langka.[2][3] Anjeunna mantuan manggihkeun bathysphere.[2][3]

Beebe kungsi jadi kurator ornithologi di Taman Zoologi New York ti taun 1899 jeung jadi direktur departemen panalungtikan tropis di New York Zoological Society ti taun 1919.[2][3] Anjeunna mingpin sababaraha ékspédisi saintifik ka luar nagri, sarta dina taun 1934 babarengan jeung Otis Barton nurunkeun bathysphere, nepi ka kacatet jerona 923 méter di laut Bermuda.[2]  Minangka dosén, anjeunna kungsi meunang sababraha pangajén jeung anugrah pikeun panalungtikan saintifik jeung pikeun bukuna, boh téknik boh populér.[2][3]

Kahirupan Pribadi[édit | édit sumber]

Anjeunna téh putra ti saurang pajabat éksekutif surat kabar, Charles Beebe.[4] Kulawargana pindah ka East Orange, New Jersey, Amérika mangsa anjeunna meujeuhna asup ka SMA.[4][5] Ari kulawargana téh katarik pisan kana hal alam, sarta anjeunna ogé resep pisan kana alam.[4][5] Anjeunna resep miluan pedaran-pedaran di American Museum of Natural History anu harita anyar kénéh dibuka di New York.[4][5] Iwal ti éta, keur leutikna Beebe resep ngumpulkeun sasatoan, sarta diajar sorangan taxidermy pikeun ngawétkeun éta sasatoan.[4][5] Anjeunna mindeng silih tukeuran koleksi sasatoan jeung koléktor séjénna pikeun nambahan koléksina.[4][5] Ku babaturanna, Beebe ditelah William Beebe, nu matak ti harita anjeunna meunang jujuluk kitu téh.[4][5]

Artikeul munggaran anu ditulis ku anjeunna medal mimiti basa keur di SMA kénéh, nyaéta pedaran ngeunaan manuk nu ayeuna disebut Brown Creeper.[5] Artikelna medal dina majalah Harpers Young People taun 1895.[5] Taun 1896 anjeunna ditarima di Universitas Columbia.[5] Anjeunna kalintang parigel jeung sababaraha kali diperenahkeun di kelas mahér.[5] Anjeunna nuluykeun nganjangan museum jeung jadi baladna pupuhu éta museum, Henry Fairfiled Osbord.[5] Beebe kungsi nyaba ka Nova Scotia pikeun ngumpulkeun spésimén jeung motrét sasatoan langka.[5] Anjeunna ogé katarik pikeun mekarkeun karesep néwakan sasatoan di laut jero maké jaring.[5] Anjeunna teu kungsi sacara resmi lulus ti universitas, lantaran universitasna teu boga kurikulum pikeun jalma nu kalintang parigelna, ahirna anjeunna meunang gelar kahormatan ti universitas Tufts jeung Colgate.[5] 

Lalampahan Karir[édit | édit sumber]

William Beebe keur umur 18 taun, di imahna di East Orange

Taun 1897 Beebe jadi anggota American Ornithologist Union.[5][6][7] Anjeunna diyakinkeun ku Profesor Osborn pikeun narima posisi di New York Zoological Park anu harita rék dibuka.[5] Tuluy teu lila ti harita, éta taman margasatwa téh diganti ngaranna jadi Bronx Zoo.[5][8] Di dinya Beebe ditawaran posisi Assistant Bird Keeper.[5][8] Taun 1901 anjeunna balik deui ka Nova Scotia dina hiji ékspédisi pikeun taman margasatwa, bari ngumpulkeun saastoan laut.[5][8] Taun 1902 Beebe jeneng jadi Full Curator di éta taman margasatwa.[5][8] Anjeunna nikah jeung Mary Blair Rice, tuluy babarengan indit-inditan pikeun ngumpulkeun spésimén pikeun éta taman margasatwa.[5][8] Hasilna tuluy dipublikasikeun dina sababaraha buku, kaasup Two Bird Lovers in Mexico jeung Our Search for a Wilderness.[5][8]

Dina aun 1901 Beebe narima tawaran mingpin ékspédisi pikeun nalungtik manuk kuau (pheasants) di sakuliah dunya.[5][7] Babarengan jeung istrina indit salila 17 bulan nepi ka wewengkon Timur Jauh, sarta ngahasilkeun buku A Monograph of the Pheasants anu pohara hadéna, medal dina opat jilid.[5][7] Tain 1913 Beebe jeung istrina pirak, tuluy anjeunna ngarobah pangaresepna kana leuweung tropis.[5][7] Anjeunna tuluy jadi direktur di Departemen of Tropical Research di taman margasatwa éta kénéh.[5] Taun 1916 anjeunna tuluy nyieun hiji stasiun panalungtikan pikeun taman margasatwa di British Guiana.[5] Anjeunna nuluykeun medalkeun lalampahanana sarta dina taun 1927, anjeunna nikah jeung Elswyth Thane Ricker.[5]

Teu lila ti dinya, Beebe tuluy ngarobah deui minatna tina leuweung kana laut.[5][9] Anjeunna tuluy ngayakeun ékspédisi ka pulo Galapagos kalawan nebarkeun jaring ka dasar laut sangkan meunang rupa-rupa sato.[5] Hanjakal, sasatoan anu ahéng téh tara lila hirupna lamun geus dibawa hanjat ka beungeut cai.[5] Beebe tuluy ngembangkeun karesepna pikeun teuleum di jero laut, sarta mimiti nimbang-nimbang pikeun teuleum ka laut jero maké kandaraan husus.[5] Tujuanna pikeun nalungtik sasatoan ahéng anu aya di habitat aslina.[5] Taun 1928 anjeunna panggih jeung Otis Barton, anu harita keur ngagawéan rarancang pikeun nyieun kandaraan pikeun teuleum ka jero laut.[5][9] Éta alat téh ku Beebe disebut bathysphere.[5][9] Dijieunna tina waja nu di jerona gorowong anu disambungkeun kana kabel dina kapal laut di beungeut cai.[5] Sanggeus sababaraha tés anu hasilna mucekil, tanggal 15 Agustus 1934, William Beebe jeung Otis Barton nyutatkeun sajaran kalawan rékor teuleum 923 méter di laut Bermuda.[5] Beebe bisa nalungtik rupa-rupa sasatoan anu can kungsi kapanggih hirup.[5] Taun 1952, dina umur 75 taun, Beebe pangsiun tina posisina minangka direktur di Tropical Research di taman margasatwa.[5] Anjeunna tilah dunya taun 1962 dina umur 84 taun.[5] Harta karun titilarna mangrupa buku, artikel, jeung jurnal ngeunaan alam. Anjeunna ditelah ku balaréa minangka "Jacques Cousteau" dina jamanna.[5]

Artikel Manuk karya William Beebe Bird, New York World, 8 April 8 1906


Karya Buku nu Medal[édit | édit sumber]

Sababaraha buku hasil karyana di antarana:

Rujukan[édit | édit sumber]

  1. Berra, Tim M., 1943- (1977). William Beebe : an annotated bibliography. Hamden, Conn.: Archon Books. ISBN 0-208-01608-2. OCLC 2680845. 
  2. a b c d e f g h i j k l "William Beebe | American biologist and explorer". Encyclopedia Britannica. Diakses tanggal 2020-03-21. 
  3. a b c d "Charles William Beebe | Lemelson-MIT Program". lemelson.mit.edu. Diakses tanggal 2020-03-21. 
  4. a b c d e f g "William Beebe | Encyclopedia.com". www.encyclopedia.com. Diakses tanggal 2020-03-21. 
  5. a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an ao "William Beebe - Famous Ocean Explorers on Sea and Sky". www.seasky.org. Diakses tanggal 2020-03-21. 
  6. "Charles William Beebe | Lemelson-MIT Program". lemelson.mit.edu. Diakses tanggal 2020-03-21. 
  7. a b c d "Beebe, William (1877-1962), naturalist, oceanographer, and zoological society executive | American National Biography". www.anb.org. doi:10.1093/anb/9780198606697.001.0001/anb-9780198606697-e-1300112. Diakses tanggal 2020-03-21. 
  8. a b c d e f "William Beebe Facts". biography.yourdictionary.com. Diakses tanggal 2020-03-21. 
  9. a b c "BEEBE, William". Diving Almanac & Book of Records (dalam en-GB). Diakses tanggal 2020-03-21. 
  10. a b c d e f g www.bibliopolis.com. "William Beebe". James Cummins Bookseller (dalam en-US). Diakses tanggal 2020-03-21.