Yayan Ruhian

Ti Wikipédia Sunda, énsiklopédi bébas
Loncat ke navigasi Loncat ke pencarian
Yayan Ruhian
Babar19 Oktober 1968 (1968-10-19) (yuswa 51)
Tasikmalaya, Jawa Kulon, Indonésia
KawarganagaraanIndonésia
Pagawéan
  • Aktor
  • Jago seni béladiri
  • Koréografer patarungan
PasanganWawa Suwartini (m. 1997)[1]
Anak3[1]

Yayan Ruhian (weton 19 Oktober 1968) nyaéta saurang ahli seni béladiri Indonésia jeung béntang filem nu kawentar jadi pameran pangrojong dina filem-filem Gareth Evans, The Raid (2011) salaku Mad Dog, The Raid 2 (2014) salaku Prakoso, Star Wars: The Force Awakens (2015) salaku Tasu Leech,[2] jeung Beyond Skyline (2017) salaku kapala pulisi.[3]

Kahirupan jeung Karir[édit | édit sumber]

Yayan lahir di Tasikmalaya, Jawa Kulon, dina tanggal 19 Oktober 1968, Umur 13 taun, miharep pikeun "nunjukkeun kalalakianna", manéhna mimiti diajar seni béladiri tradisional penca silat,[4] bari bapana ngalatih karaté. Yayan guguru di nu éngkéna pijadieun Pencak Silat Tenaga Dasar, nu antukna mah jadi palatih jeung wasit – najan kahareupna manéhna nyadar yén hal éta téh bakal ngabalukarkeun manéhna teu meunang ngiluan pasanggiri.[5] Dina pertengahan 2000-an, Yayan geus ngajarkeun penca di nagara-nagara saperti Bélgia, Perancis jeung Walanda, jeung ogé diajar sababaraha téknik béladiri, saperti aikido.[5][6]

Taun 2008, Yayan dipénta ku Gareth Evans pikeun ngabantuan dina koréografi filmna, Merantau. Manéhna gé diaudisi pikeun peran Eric, kahareupna nyatakeun yén manéhna teu paduli rék kabawaan atawa heunteu, nu penting mah manéhna bisa digawé sahadé-hadéna. Manéhna hasil meunangkeun peran éta, tur Merantau dipedalkeun di taun 2009.[4] Dina filem éta, karakterna téh mangrupa hiji tokoh antagonis lemét nu jago béladiri, nu mampu nguntupan musuh nu kaitung leuwih gede.[7] Sanggeusna, Yayan kadatangan sababaraha jalma nu hayang dialajar silat, najan loba nu nyarebutna Eric gé.[6]

Yayan merankeun Mad Dog dina filem Evans taun 2011, The Raid,[4] sarta nyepeng koréografina bareng jeung pamaén séjén, Iko Uwais.[6] Evans ngagambarkeun karakterna téh minangka "hiji jalma psikopat nu geus moal cageur, tiis, tégaan, hingga mun nalika manéhna maéhan hiji jalma, manéhna hayang ngararasakeun", nu matak manéhna leuwih milih maké leungeun daripada némbak.[8] Manohla Dargis ti The New York Times ngagambarkeun karakter éta téh minangka karakter nu nanjung dina filem, "hiji pidangan waruga nu mingpin".[9]

Sanggeus pamidanganna, rupa Yayan jeung éksprési gereget (nu digunakeun ku karakterna) jadi makro gambar nu memetic dina intérnét. Dina hiji wawancara taun 2014, Yayan nyatakeun yén dirina teu kabeuratan ku lobana meme éta, lantaran, individu-individu nu ngirimna tangtuna moal bisa nyieun gambar-gambar éta mun heunteu lalajo filemna.[6] Majalah Tempo ngawartakeun dina bulan Juni 2012 yén Yayan jeung Iko mariang ka Hollywood pikeun nyepeng koréografi hiji jieunan ulang filem éta di Amérika.[10]

Pedaran Evans taun 2014, The Raid 2, mintonkeun Yayan minangka Prakoso, hiji juru paténi jeung jalma kapercayaan kingpin mafia Bangun (Tio Pakusadéwo).[4][11] Nyadar yén Yayan geus dipikawanoh minangka Mad Dog, Evans nekenkeun Prakoso salaku hiji karakter anyar: hiji bapa jeung salaki nu gagal, umur 60, nu najan kitu tetep mangrupa pagawé nu satia.[6] Sarua jeung filem saacanna, Yayan gawé babarengan jeung Iko Uwais dina koréografina.[11] Charlotte O'Sullivan ti the London Evening Standard nyebutkeun peran Yayan jadi Prakoso minangka "pinunjul", nuliskeun yén "nalika awakna mimiti ngalayang ka luhur, anjeun ngarasa saolah-olah keur maca carita hirupna".[12]

Dina patengahan 2014, dibéwarakeun yén Yayan bakal minton dina filem Takashi Miike, Yakuza Apocalypse: The Great War of the Underworld, maén bareng Hayato Ichihara. Dina filem ieu, nu ditulis ku Yoshitaka Yamaguchi, hiji anggota Yakuza kajiret dina intrik intérnasional sabada manéhna manggihan yén dununganna téh saurang vampir.[13]

Dina Désémber 2014 diwartakeun Yayan bakal maén di sékuél éksyén Indonésia Comic 8: Casino Kings[14] sarta bakal ngilu maén di filem éksyén horor Takashi Miike Yakuza Apocalypse: The Great War of the Underworld.[15]

Yayan maén dina Star Wars: The Force Awakens (2015) salaku Tasu Leech, baréng jeung pamaén séjén ti The Raid jeung The Raid 2, Iko Uwais jeung Cecep Arif Rahman.[16]

Dina taun 2019, Yayan maén dina John Wick: Chapter 3 - Parabellum minangka Shinobi #2, salah sahiji murid Zero, bareng jeung Cecep Arif Rahman minangka Shinobi #1.

Kahirupan pribadi[édit | édit sumber]

Yayan lancar dina ngomong Sunda, sarta bisa sautak saeutik ngomong bahasa Inggris wangkongan. Nepi ka taun 2017 Yayan geus boga tilu anak nu caricing jeung pamajikanna di Tasikmalaya; ku alatan pagawéan, Yayan kudu cicing di Jakarta.[4] Kajaba ti akting, Yayan ngajarkeun pencak silat.[4][17]

Gaya[édit | édit sumber]

Dina layar, Yayan remen merankeun peran-peran antagonis, ngagambarkeun karakter-karakter nu saeutik ngomong tapi boga katahanan, stamina jeung kamampuan gelut nu hadé.[4]

Filmography[édit | édit sumber]

Filem[édit | édit sumber]

Taun Judul Peran Sutradar Catetan
2009 Merantau

(Wander)
Eric Gareth Evans Munggaran gawé bareng rejeng Iko Uwais sarta Gareth Evans
2011 The Raid Mad Dog Gareth Evans Kadua kalina gawé jeung Iko Uwais sarta Gareth Evans
2014 The Raid 2 Prakoso Gareth Evans Katilu kalina gawé jeung Iko Uwais sarta Gareth Evans, munggaran gawé barengCecep Arif Rahman
2015 Gangster Bang Jangkung Fajar Nugros
Yakuza Apocalypse: The Great War Of The Underworld Kyoken (狂犬) / Mad Dog Takashi Miike Filem Jepang munggaran
Star Wars: The Force Awakens Tasu Leech J. J. Abrams Peran Kaméo, munggaran filem Hollywood
Comic 8: Casino Kings Part 1 The Ghost Anggy Umbara
2016 Pre Vis Action Assassin #1 Gareth Evans Filem pondok
Comic 8: Casino Kings Part 2 The Ghost Anggy Umbara
Iseng

(Reckless)
Edi Adrian Tang
2017 Beyond Skyline The Chief Liam O'Donnell Filem Hollywood kadua
Satria Heroes : Revenge of Darkness Master Torga Kenzo Maihara,

Arnandha Wyanto
2018 212 Warrior Mahesa Birawa Angga Dwimas Sasongko Salaku aktor jeung koréografi gelut
2019 John Wick: Chapter 3 - Parabellum Shinobi #2 Chad Stahelski
Hit and Run Choki Ody C. Harahap
Wira Ifrit Adrian Teh Kaméo, pasca produksi
2020 Mat Kilau Toga Syamsul Yusof Pasca produksi

Gim Vidio[édit | édit sumber]

Taun Judul Peran Sutradara Catetan Ref.
2016 Lego Star Wars: The Force Awakens Tasu Leech Jamie Eden,

Pete Gomer,

Rob Hewson
Pangeusi sora [18]

Panghargaan jeung nominasi[édit | édit sumber]

Taun Organisasi Panghargaan Karya Hasil Ref.
2010 Panghargaan Filem Indonésia Aktor Anyar Panghadéna Merantau Nominasi [19]
Panghargaan Filem Indonésia Aktor Anyar Favorit Merantau Nominasi
2013 Panghargaan Filem Indonésia Aktor Pangrojong Panghadéna The Raid Nominasi [20]
2016 Infotainment Awards Sélébriti Indonésia nu Ngahontal Dunia Yayan Ruhian Nominasi [21]
2016 Berlin International Filmmaker Festival of World Cinema Aktor Utama Filem Bahasa Deungeun Panghadéna Iseng Nominasi [22]

Réferénsi[édit | édit sumber]

  1. a b Pamungkas, Yohanes Adi (11 August 2017). "Cerita Yayan Ruhian LDR dengan Istri dan Anak - Anaknya" [Yayan Ruhian's LDR stories with his wife and children]. Tabloid Bintang (dalam Indonesian). Diakses tanggal 12 January 2018. 
  2. Tampubolon, Hans David (10 July 2015). "Yayan "Mad Dog" Ruhian, The gentle & humble warrior from Tasikmalaya". The Jakarta Post. Diakses tanggal 12 January 2018. 
  3. "'Raid' stars Iko Uwais and Yayan Ruhian look totally badass in 'Beyond Skyline'". Coconuts.co. 25 February 2016. Diakses tanggal 12 January 2018. 
  4. a b c d e f g Deviyana, Nia. "'Mad Dog' Hanya Bengis di Film" (dalam bahasa Indonesian). Metro TV. Diaksés 12 Séptémber 2014
  5. a b Tampubolon, Hans David (10 Juli 2015). "Yayan "Mad Dog" Ruhian, The gentle & humble warrior from Tasikmalaya". The Jakarta Post. Diakses tanggal 12 Januari 2018. 
  6. a b c d e Suhendra, Ichsan. "Sering Dijadikan "Meme Comic", Yayan Ruhian Mengaku Tak Tersinggung" (dalam bahasa Indonesian). Kompas. Diakses 12 Séptémber 2014
  7. Indrasafitri, Dian (Citakan:ISO date/en). "Yayan Ruhiyan: A tough guy with a smile". The Jakarta Post. Diarsipkan dari yang asli on Citakan:ISO date/en. https://www.webcitation.org/6SX4FHOYe. Diakses pada 12 September 2014 
  8. Murphy, Mekado. "Behind the Action of 'The Raid: Redemption'". The New York Times. Diakses 12 Séptémber 2014
  9. Dargis, Manohla. "Bad Guys Upstairs, Gore Down the Hall". The New York Times. Diakses 12 Séptembér 2014
  10. Triyono, Heru. "Kang Yayan Menuju Hollywood". Tempo. Diaksés 12 Séptémber 2014
  11. a b Arditya, Andreas D. (23 Maret 2014). "'The Raid 2: Berandal': Convolution and carnage". The Jakarta Post. Diarsipkeun tina nu asli tanggal 12 Séptémber 2014. Diaksés 12 Séptémber 2014.
  12. O'Sullivan, Charlotte (11 April 2014). "The Raid 2 - film review". London Evening Standard. Diarsipkeun tina nu asli tanggal 12 Séptémber 2014. Diaksés12 Séptémber 2014.
  13. Alpito, Agustinus Shindu (14 May 2014). "Yayan Ruhian Akan Main Film Vampir-Yakuza". Metro TV. Diarsipkeun tina nu asli tanggal 12 Séptémber 2014. Diaksés12 Séptémber 2014.
  14. Hens, Henry (15 June 2015). "Babe Cabita Duel Lawan Yayan Ruhian di 'Comic 8: Casino Kings'" [Babe Cabita does duel against Yayan Ruhian at 'Comic 8: Casino Kings']. Bintang.com (dalam Indonesian). Diakses tanggal 12 January 2018. 
  15. England, Norman (17 Maret 2015). "Exclusive set photos, poster, synopsis: Takashi Miike's "Yakuza Apocalypse"". Fangoria. Diakses tanggal 12 Januari 2018.
  16. Brown, Todd (5 January 2015). "'The Raid' Trio to Appear in 'Star Wars: Episode 7 - The Force Awakens'". Screen Anarchy. Diakses tanggal 12 January 2018. 
  17. Affan, Heyder; Franciska, Christine (11 Nopémber 2015). "Yayan Ruhian dan filosofi pencak silat". BBC Indonesia. Diaksés tanggal12 Januari 2018.
  18. "Lego Star Wars: The Force Awakens (2016 Video Game) – Full Cast & Crew". IMDb. Diakses tanggal 18 April 2018. 
  19. "Indonesian Movie Awards 2010 : Siap Digelar" [2010 Indonesian Movie Awards: Ready to be held]. 21 Cineplex (dalam Indonesian). Diakses tanggal 17 January 2018. 
  20. Kurmala, Azis. "Daftar lengkap Pemenang Indonesian Movie Awards 2013" [List of the winners of the 2013 Indonesian Movie Awards]. Antara News (dalam Indonesian). Diakses tanggal 16 January 2018. 
  21. "Daftar lengkap pemenang Infotainment Awards 2016" [Complete list of the winners of the 2016 Infotainment Awards]. Rappler (dalam Indonesian). Diakses tanggal 16 January 2018. 
  22. Safitri, Rahmi. "Film 'ISENG' Yayan Ruhian Dapat 4 Nominasi di Ajang Film Mancanegara" [Yayan Ruhian's film 'Iseng' got 4 nominations at the Worldwide Film Event]. KapanLagi.com (dalam Indonesian). Diakses tanggal 16 January 2018.