Yakuza
Yakuza nyaéta organisasi kriminal anu légal di Jepang[1]. Ieu organisasi diaku ku pamaréntah Jepang[1]. Lantaran unik jeung miboga anggota anu loba, Yakuza mangrupa organisasi panggedéna di Jepang[1], sarta nyieun sakabéh dunya kairut lantaran ieu organisasi[1]. Ieu organisasi ngadeg nalika jaman samurai[1].
Jenis
[édit | édit sumber]Kabuki-Mono
[édit | édit sumber]Sajarah ngeunaan Yakuza dimimitian awal taun 1612, nalika jalma anu dianggap anéh, atawa disebut kabuki-mono (jelma gélo) ngirut para pajabat di Jepang[2]. Hal anu mantak ngirut ti mimiti raksukanana, gaya buuk, jeung tingkah lakuna anu anéh[2]. Lian ti éta kabuki-mono mindeng mawa pedang anu panjang nalika iinditan[2]. Kabiasaan anu dilakukeun ku kabuki-mono nyaéta néror saha waé, pikeun nyenangkeun haténa[2]. Kabuki-mono mindeng disebut samurai éléktrik, lantaran mindeng nyieun ngaran anu anéh, sarta nalika ngomong mindeng ngagunakeun kekecapan anu gaul[2]. Kabuki-mono katelah rempeg, silih ngajaga tina hal-hal naon waé anu mantak nyilakakeun, ka asup kulawarga sorangan[2]. Kelompokna miboga 500.000 leuwih anggota[2]. Sakabéh anggota dirékrut ti leutik kénéh. Aya nu jadi bangsat, ngajarah kota-kota leutik di Jepang[2].
Aya dua vérsi ngeunaan inohong Yakuza. Kahiji, Hatamoto-yakko[2]. Kadua, maichi-yakko[2], anu mangrupa pelayan kota, jalma-jalma éta téh mindeng ngabéla désa jeung kota ti Hatamo-Yokko[2]. Éta pelayan téh kasang tukangna aya anu urut juru tulis, tukang ngajaga toko, buruh, jeung sajabana[2]. Lian ti jago gelut, maranéhna ogé jago dina widang judi[2].
Yakuza asli can bener-bener nyata aya nepi ka ahir taun 1700[2]. Satiap jalma anu asup ka ieu organisasi miboga kasang tukang anu sarua, di antarana miskin, teu boga imah, jeung sok nyieun ribut[2]. Kelompok-kelompak éta silih ngarojong, sarta tara nyieun konflik di antara anggota séjénna[2].
Tekiya
[édit | édit sumber]Tekiya asal kecapna tina yashi, hartina padagang kuriling[2]. Para padagang pura-pura mabok sangkan bisa ngajual barang sacara murah, sarta bisa nipu anu rék meuli[2]. Tekiya gabung ka organisasi Yakuza. Tapi, Tekiya masih kénéh mindeng kabawa-bawa kasus kriminal[2].
Bakuto
[édit | édit sumber]Ieu organisasi ngadeg nalika pamaréntahan Tokugawa[2]. Tujuanana tina ieu organisasi nyaéta pikeun judi jeung para pagawé bagunan sangkan meunanagkeun duit tina hasil proyék[2]. Bakuto miboga kalungguhan dina tradisi Jepang pemotongan jari tradisional Yakuza[2]. Ciri has anggota anu asup kana organisasi Bakuto nyaéta maké cingcin warna hideung sarta ditato[2]. Prosés ngagambar tatona dilakukan salila 100 jam[2]. Éta tato digambar di bagéan tonggong[2].
Yamaguchi-gumi
[édit | édit sumber]Yamaguci-gumi mangrupa kelompok pangkuatna di anggota Yakuza[2]. Ieu kelompok miboga simbol pin anu wangunna belah ketupat anu dipaké dina jas[2]. Lian ti éta anggotana ogé ditato[2]. Yamaguchi-gumi mekarkeun bisnis leuwih di 2.500 cabang[2]. Éta bisnis di antarana bisnis judi, widang olah raga, jeung hiburan[2]. Ieu kelompok jaya di pamaréntahan Taoka salila 35 taun[2]. Yamaguchi-gumi miboga 103 pupuhu, anggotana leuwih ti 500 géng[2]. Unggal taunna ieu kelompok bisa ngahasilkeun $ 130.000[2].
Struktur Organisasi
[édit | édit sumber]Struktur organisasi Yakuza di antarana:
- Yoshinori Watanabe mangrupa pupuhu klan anu nganjrek di markas Yamaguchi-gumi di Kobe[3]. Manéhna mangrupa bos taun 1989[3]. Ngaran géng aslina nyaéta Yamaken-gumi anu mingpin daérah Kobe[3].
- Kozuo Nakanishi, miboga kalungguhan salaku penasehat sénior[3]. Manéhna nganjrek di Osaka, sarta nyekel leuwih ti 15 géng anu dipingpinna[3].
- Saizo Kishimoto, miboga kalungguhan salaku pupuhu markas, sarta nyekel genep géng di Kobe[3].
- Masaru Takumi, miboga pancén pikeun mingpin 41 géng di Osaka[3].
- Testuo Nogami, miboga kalungguhan salaku asistén, sarta nyekel 8 géng di Osaka[3].
Lian ti ngaran-ngaran di luhur aya 102 bos senior anu dingaranan shatei[3]. Pancénna ngaping sababaraha junior anu disebut wakashu[3]. Lian ti éta pancénna mingping 750 géng, anu eusina 31.000 anggota ti Yamaguchi-gumi[3].
Daftar Référénsi
[édit | édit sumber]- ↑ a b c d e Times, I. D. N.; Dewangkara, Indra. "Penuh Tato, 5 Fakta Paling Unik Yakuza yang Jarang Diketahui". IDN Times (dalam Indonesian). Diakses tanggal 2021-04-30.
- ↑ a b c d e f g h i j k l m n o p q r s t u v w x y z aa ab ac ad ae af ag Liputan6.com. "Yakuza, Mafia...Ini 7 Geng Kriminal Paling Menakutkan di Dunia". liputan6.com (dalam Indonesian). Diakses tanggal 2021-04-30.
- ↑ a b c d e f g h i j k "Struktur Kelompok Yakuza Terbesar di Jepang Terungkap". Tribunnews.com (dalam id-ID). Diakses tanggal 2021-04-30.