Antareja
| Antareja | |
 Antareja dina wanda Wayang Golék | |
| Ngaran séjén: | Prabu Nagabaginda |
| Papasangan: | Déwi Ganggi |
Antareja nyaéta saurang satria pinunjul dina carita pawayangan, putra pasangan Wekudara jeung Déwi Nagagini.[1][2] Kasaktiaan Antareja taya lian mibanda ajian ciduh peurah jadi upama tapak atawa dampal suku musuhna dilétak ku Antareja, mangka musuhna baris pinanggih jeung ajal atawa tumekaning perlaya dina basa wayang[2]. Antareja perlaya ku alatan ngalétak tapak sukuna sorangan.[3] Ieu mangrupa pitapak anu dijieun ku Kresna dina mangsa perang Bratayuda .[2]
Pedaran
[édit | édit sumber]Antareja téh putrana pasangan Bima (Wekudara) jeung Déwi Nagagini.[2][4] Kasaktian tur jajatén anu kapimilik ieu henteu leupas ku alatan masih aya kénéh turunan Déwa ti Kahiyangan Saptapretala.[2][3] Antareja rimbitan jeung Déwi Ganggi,[5] putri Pabu Ganggapranwa anu taya lian saurang Raja Oray ti Karajaan Tawingatmada.[2] Tina ieu pernikahan Antareja mibanda turunan anu dingaranan Danurwenda, engkéna baris diangkat jadi patih luar (patih nyaba) .[2][5] Antareja mibanda sipat jujur, lungguh, babakti kanu leuwih kolot nyaah ka sahandapeun, tara jejerih tur hadé laku lampahna.[2] Antareja mah euweuh dina babon Mahabrata ku lantaran ieu mah ciptaan pujangga Jawa.[1]
Lalampahan
[édit | édit sumber]Hiji waktu Antareja seja lumampah ka karajaan Amarta.[1] Satengahing jalan manéhna manggihan mayit awéwé angkleung-angkleungan sorangan luhureun parahu.[1] Tuluy manéhna ngawatek ajian Napakawaca pikeun ngahirupkeun deui éta mayit awéwé, singhoréng geuning éta téh Subadra taya lian istrina Arjuna.[1] Teu kungsi lila torojol Gatotkaca anu titadi nyerangkeun manéhna ti kajauhan tuluy narajang Anterja.[1] Harita Gatotkaca keur kapapancénan pikeun maluruh tur nyangkalak jalma anu ngarogahala éta bibina.[2] Subadra anu geus lilir séhat bihara-bihari gentak misahkeun anu keur patelak, Saengeus papisah tuluy tiluanana silih wanohkeun diri, Antukna maranéhna ngayakeun gawé bareng pikeun maluruh tur nyangkalak jalma anu geus ngarogahala Subadra, antukna kapanggih anu taya lian Burisrawa.[4] Manjing waktuna Déwasa Antareja didaulat jadi Raja di nagara Jangkarbumi tur meunang gelar Prabu Nagabaginda.[4]
Tempo ogé
[édit | édit sumber]Dicutat tina
[édit | édit sumber]- ↑ a b c d e f Amrih, Pitoyo (2006), Antasena dan Antareja: Jalan Kematian Para Ksatria, Pinus (rumahpinus@yahoo.com), p. 109, ISBN 979-99010-0-6
- ↑ a b c d e f g h i "Ensiklopedia tokoh-tokoh wayang dan silsilahnya". Mahendra Sucipta. Diakses tanggal 19 April 2017.
- ↑ a b (id)Komandoko, Gamal (2009), Bharatayudha: banjir darah di Tegal Kurusetra, Narasi, p. 87, ISBN 979-168-151-1
- ↑ a b c (id)Komandoko, Gamal (2009), Bharatayudha: banjir darah di Tegal Kurusetra, Narasi, p. 83, ISBN 979-168-151-1
- ↑ a b (id)Mujiyat,Koko Sondari (2002). "Raden Antareja". Album Wayang Kulit Banjar. Jakarta: Sena Wangi. p. 58.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |