Brad Pitt

Ti Wikipédia, énsiklopédia bébas
Luncat ka: pituduh, sungsi
Brad pitt ti gigir
Brad Pitt

Brad Pitt mangrupa salasahiji aktor Hollywood anu kahot anu ngaran aslina William Bradley Pitt, mangrupa budak ti William Alvin Pitt jeung Jane Etta di Shawnee di Oklahoma ping 18 Desember 1963[1].

Karir akting Pitt dimimitian nalika manéhna sakola akting bareng jeung Roy London, saurang palatih akting[1]. Nalika dina karirna meunang kasempetan jang akting dihareupeun TV ngaliwatan serial sitkom Growing Pains 1987 dituluykeun kana opera sabun Dallas 1987, ogé 21 Jump Street 1987[1]. Ari maén dina film nya éta No Way Out, No Man's Land jeung Less Than Zero,sanajan acan ngirut panongton[1]. Popularitas Pitt dimimitian tina aktingna salaku J.D dina serial TV, Thelma & Louise taun 1991, bareng jeung Susan Sarandon ogé Geena Davis anu dituluykeun kana Johnny Suede 1991, A River Runs Throught It 1992, Kalifornia 1993, The Favor 1994, Interview With The Vampire 1994 anu ngabalukarkeun Pitt meunangkeun penghargaan munggaranana jang katégori Best Performance Male jeung Most Desirable Male dina acara MTV Movie Awards[1].

Sabada éta ngaran Pitt di Hollywood jadi leuwih moyan ogé meunangkeun deui sababaraha panglélér, kawas di Seven 1995 anu jang kaduakalina meunangkeun katégori Most Desirable Male dina MTV Movie Awards jeung Twelve Monkeys 1995 anu bisa ngahontal Best Supporting Actor dina Golden Globe Award[1]. Satuluyna Pitt maén dina Meet Joe Black 1998, Fight Club 1999, The Mexican 2001, Ocean's Eleven 2001, Spy Game 2001, Troy 2004, Ocean's Twelve 2004, Mr & Mrs Smith 2005, Babel 2006, Ocean's Thirteen 2007, jeung Burn After Reading 2008[1].

Teu ngan saukur jadi aktor, Pitt mimiti kairut pikeun jadi produser[1]. Troy 2004, The Departed 2006, Running With Scissors 2006, A Mighty Heart 2007, The Assassination Of Jesse James by The Coward Robert Ford 2007, The Time Traveler's Wife 2009, The Lost City of Z 2010 jeung Eat, Pray, Love 2011 nya éta film anu pernah di produseran ku Pitt[1]. Film The Departed nepi ka meunang nominasi BAFTA award jang katégori Best Film jeung film A Mighty Heart anu meunang nominasi dina Independent Spirit Award salaku Best Film[1].

Ti taun 2005, Pitt bobogohan jeung Angelina Jolie,Sabada ninggalkeun pamajikanana Jennifer Aniston anu dikawin ping 29 Juli 2000[1]. Salila babarengan jeung Jolie, Pitt boga budak munggaranana nya éta nalika ping 27 Mei 2006 anu dingaranan Shiloh Nouval Jolie-Pitt[1]. Lian ti budak teges, aya sababaraha hiji budak adopsi Jolie-Pitt nya éta Maddox Chivan Jolie-Pitt anu diadopsi ping 19 Januari 2006, Pax Thien Jolie-Pitt anu diadopsi ping 15 Maret 2007 sarta Zahara Marley Jolie-Pitt anu diadopsi 19 Januari 2006[1].

Nalika 12 Juli 2009, Pitt jeung Jolie disinugrahan budak kembar anu dibabarkeun di Nice, Perancis, jeung dibéré ngaran Knox Leon Jolie-Pitt jeung Vivienne Marcheline Jolie-Pitt[1].Hak cipta foto-foto munggaran orok kembarna dijual ka majalah People jeung Hello! anu hargana $14 juta (140 miliar Rupiah) anu jadi foto selebriti pangmahalna salila ieu[2].

Akting Pitt mimiti moyan deui sabada akting jadi Benjamin Button dina film The Curious Case Of Benjamin Button[1]. Ngaliwatan peranna ieu, Pitt dinominasikeun salaku aktor anu panghadéna di Piala Oscar[1].

Popularitasna salaku aktor anu moyan di Hollywood, ngabalukarkeun Pitt tungtungna dicalonkeun jadi walikota New Orleans[1]. Lian ti pamorna salaku sélébritis ogé rasa kamanusiaanana ka para korban badai katrina[1].

Dina acara Screen Actor Guild Awards, ngaliwatan film Inglourious Basterd 2009, Pitt meunang panglélér Outstanding Performance by a Cast in a Motion Picture[1].


Referensi[édit | sunting sumber]

  1. a b c d e f g h i j k l m n o p q r s Brad Pitt(diakses 23 November 2011)
  2. Brad Pitt(diakses 23 November 2011)
Nulis.jpg