Gaang

Ti Wikipédia, énsiklopédia bébas
Luncat ka: pituduh, sungsi
Gaang
Klasifikasi ilmiah
Kingdom: Animalia
Phylum: Arthropoda
Class: Insecta
Order: Orthoptera
Suborder: Ensifera
Superfamily: Grylloidea
Family: Gryllotalpidae
Saussure, 1870
Genera

Gryllotalpa
Neocurtilla
Scapteriscus

Gaang ngawengku kulawarga Gryllotalpidae, serangga nu awakna kandel, panjangna kira 3-5 cm, biwir hareupna mekar kawas singkup pikeun ngagali taneuh jeung ngojay, panonna bolotot. Gaang sawawa bisa hiber nepi ka 8 kilo jauhna (dina usum kawin), getol sapanjang taun, tapi mun keur usum tiris mah hibernasi.

Gaang téh omnivora, ngahakan jentik, cacing, akar tutuwuhan, jeung jukut. Anapon gaang, sok dimangsa ku manuk, beurit, lasun, peusing, jeung careuh.

Gaang téh aya di mana-mana, tapi kusabab liarna peuting sarta lolobana mah cicing dina jero taneuh, manusa jarang nu mireungeuh. Biasana, gaang mah cicing di pakebonan, sawah, patamanan, atawa lapang golep. Lima ti antara tujuh spésiés gaang nu aya di Amérika Kalér asalna ti Éropa, Asia, jeung Amérika Kidul, sarta tara dianggap hama. Di Asia, gaang kadang sok digoréng.

Di sababaraha wilayah, populasi gaang nyirorot alatan karuksakan alam/habitatna (érosi, péstisida).

Spésiés[édit | sunting sumber]

Daur hirup Gaang
Ukuran awak gaang
  • Gryllotalpa cultriger (gaang kulon)
  • Gryllotalpa major (gaang jukut)
  • Gryllotalpa gryllotalpa (gaang Éropa)
  • Gryllotalpa fossor (gaang wétan)
  • Gryllotalpa africana (gaang Aprika)
  • Neocurtilla hexadactyla (gaang kalér)
  • Scapteriscus abbreviatus (gaang Scudder jangjang pondok)
  • Scapteriscus borellii (gaang kidul)
  • Scapteriscus didactylus (gaang India Kulon)
  • Scapteriscus imitatus (gaang imitator)
  • Scapteriscus vicinus (gaang Scudder tawny)

Sumber rujukan[édit | sunting sumber]

  • Mole cricket, Wikipédia édisi basa Inggris (13 Juni 2006)

Tumbu kaluar[édit | sunting sumber]

Wiktionary logo
Baca ogé pedaran Wikikamus ngeunaan kecap