Hémofilia

Ti Wikipédia, énsiklopédia bébas
Luncat ka: pituduh, sungsi
Hémofilia
Klasifikasi jeung sumber luar
ICD-10 D66.-D68.
ICD-9 286
OMIM 306700 306900 264900
DBPanyakit 5555 5561 29376
MedlinePlus 000537
eMedicine med/3528 
MeSH D025861

Hémofilia atawa hémofili (Yun. haima "getih" jeung philia "micinta"[1]) nyaéta kelompok cacad genetik nu ngabalukarkeun awak jadi teu mampuh ngatur bekuna getih. Nu paling ilahar nyaéta Hémofilia A, balukar tina euweuhna faktor VIII. Hémofilia B disababkeun ku kakurangan faktor IX. Frékuénsi kajadian Hémofilia A kira-kira 1 dina 5.000–10.000 kalahiran lalaki[2], sedengkeun kajadian Hémofilia B leuwih saeutik (1 dina 20.000–34.000 kalahiran).

Balukar cacad kromosom X ieu ampir sakabéhna némbongan di lalaki, najan gén anu cacadna diturunkeun ti indung. Hal ieu kusabab Wanoja mah boga dua kromosom X, sedengkeun lalaki mah ukur hiji, sahingga teu boga 'cadangan'.

Ieu kakurangan genetik ngabalukarkeun asorna kadar faktor koagulasi dina plasma getih pikeun lumangsungna koagulasi anu normal. Nalika saluran getih ngalaman tatu, éta tatu bisa katutup, tapi euweuhna faktor koagulasi ngabalukarkeun teu kabentukna fibrin nu nguatkeun bekuan getih. Ku kituna, nu nandangan hémofilia getihanana biasa wae, teu kaleuleuwihi, ngan lila garingna. Di nu parna, tatu leutik waé bisa teu cageur-cageur dina itungan poé, minggu, atawa bulan. Mun tatuna di bagian vital, misalna otak atawa jero sandi, hal ieu bahya pisan.

Tumbu ka kelompok pangrojong[édit | sunting sumber]

Émbaran lianna[édit | sunting sumber]

Rujukan[édit | sunting sumber]

  • Haemophilia. Wikipédia basa Inggris. Disalin 22 Oktober 2008.
  1. Douglas Harper. "Online Etymology Dictionary". 
  2. "Hemophilia B". Diakses pada 21 Nopémber 2007. 


Rod of asclepius.png