Peroksisom

Ti Wikipédia, énsiklopédia bébas basa Sunda
Luncat ka: pituduh, sungsi
Wangun dasar peroksisom

Peroksisom mangrupakeun organél sél eukariota nu pancénna pikeun meresihan sél tina zat-zat racun; ku kituna ieu sél sumebar di salukiah jero sél. Mémbranna mangrupa hiji lapis ganda lipid nu misahkeun eusi 'beuteung'na ti sitosol (cairan jero sél) nu ngandung rupa-rupa protéin mémbran nu boga pancén penting pisan, kayaning ngimpor protéin jeung mantuan proliferasi. Teu kawas lisosom nu dibentuk dina jalur sékrétori, peroksisom mah bisa ngaréplikasi diri ku cara ngagedéan, terus meulah manéh, najan anu munggaran mah sigana dibentuk langsung. Peroksisom kapanggih ku ahli sitologi Bélgia Christian de Duve taun 1965.

Pancén[édit | sunting sumber]

Peroksisom ngandung énzim-énzim oksidatif, kayaning katalase, oksidase asam D-amino, jeung oksidase asam urat.[1] Sababaraha énzim, ku migunakeun oksigén molekulér, bisa nyingkahkeun atom hidrogén ti substrat anu tangtu (dilabélan R) dina hiji réaksi oksidatif, sahingga ngagasilkeun hidrogén peroksida (H2O2) anu toksik:

\mathrm{RH}_\mathrm{2} + \mathrm{O}_\mathrm{2} \rightarrow \mathrm{R }+ \mathrm{H}_2\mathrm{O}_2

Katalase, énzim séjén di peroksisom, lajeng ngarobah H2O2 ieu pikeun ngoksidasi substrat séjén, kayaning fénol, asam format, formaldehid, jeung alkohol, migunakeun réaksi peroksidasi:

\mathrm{H}_2\mathrm{O}_2 + \mathrm{R'H}_2 \rightarrow \mathrm{R'} + 2\mathrm{H}_2\mathrm{O}, nu ngaleungitkeun hidrogén peroksida nu ngabahyakeun.

Ieu réaksi penting pisan dina sél-sél ati jeung ginjal, nyaéta pikeun ngancurkeun rupa-rupa sanyawa toksik (detoksifikasi) nu asup kana getih. Ku cara di luhur, kira 25% étanol anu diinum ku urang dioksidasi jadi asetaldehida. Mun H2O2 ngagunduk di jero sél, katalase ngarobah ieu molekul jadi cai maké ngaliwatan réaksi

2\mathrm{H}_2\mathrm{O}_2 \rightarrow 2\mathrm{H}_2\mathrm{O} + \mathrm{O}_2

Pancén utama peroksisom nyaéta pikeun ngarecah molekul-molekul asam lemak dina prosés nu katelah oksidasi-béta. Dina ieu prosés, asam lemak direcah sarta dirobah jadi Asetil-KoA, nu lajeng dipulangkeun deui ka sitosol pikeun guna séjénna. Dina sél-sél sato, oksidasi-béta bisa ogé lumangsung di mitokondria, sedengkeun dina kapang jeung tutuwuhan mah hususon di peroksisom.

Kakurangan[édit | sunting sumber]

Cacad peroksisom bisa ngabalukarkeun gangguan kana métabolisme lipid, di antarana sindrom Zellweger.

Rujukan[édit | sunting sumber]

  1. del Río L, Sandalio L, Palma J, Bueno P, Corpas F (1992). "Metabolism of oxygen radicals in peroxisomes and cellular implications". Free Radic Biol Med 13 (5): 557-80.

Tumbu kaluar[édit | sunting sumber]

Wikimedia Commons logo
Wikimedia Commons mibanda média séjénna ngeunaan
Nulis.jpg



Organél sél
Awak Golgi | Kloroplas | Lisosom | Miofibril | Mitokondria | Nukleus | Peroksisom | Rétikulum éndoplasma | Ribosom | Séntriol | Vakuol | Vésikel