Pipiti
Pipiti nyaéta wadah anu dijieun tina anyaman tangkal awi benang meulahan aripis wangunna segi opat [1], ilaharna pipiti dipaké ngawadahan sabangsaning sambara[2], uyah[3], sangu [4], lalawuh [5], jeung sajabana.
Pedaran
[édit | édit sumber]Mangpaat
[édit | édit sumber]Pipiti dimangpaatkeun pikeun ngawadahan sangu[6] jeung deungeunna, dibahankeun ku nu boga hajat minangka pamulang tarima/nganuhunkeun ka sémah jeung ondangan séjénna nu geus milu nyaluuhan jeung ngarojong doa kana hajatna. [7][8]
Kiwari pipiti dimangpaatkeun ogé pikeun nyieun pabinihan paré [9], sangkan binih paré henteu ku hama jeung bisa katalingakeun dina kasuburan taneuhna [9]. Pabinihan tina pipiti ogé bisa diteundeun di buruan tangtu ieu leuwih gampang mangsa nyebor, miara, jeung ngusir hama anu sakira bisa ngaganggu kana éta pabinihan[9]. Pipiti anu mangrupa hasil tina karajinan anyaman mibanda ukuran jeung wanda anu rupa-rupa, gumantung kana pesenan jeung dipaké eusi naon engkéna. Di sababaraha daérah pipiti mangrupa wadah andelan pikeun ngiangkeun dagangan jeung wadah oléh-oléh/kagegelan[10].
Sajarah
[édit | édit sumber]Baheula Pipiti téh paranti neundeun uyah, ngarah henteu téés tuluy pipiti wadah uyah digantungkeun atawa diteundeun dina sagigireun hawu [3]. Ogé dipaké wadah pabétékan sabangsaning bungbu atawa sasamaraan kayaning : bawang bodas, bawang beureum, jahé, cikur, pedes, jeung sajabana [2].
Kungsi baheula mangsa Bung Karno ditengah perjalanan narima bungkusan maké wadah pipiti anu dieusian sangu timbel jeung lalawuhna : suung, sambel oncom, beuleum lauk asin, kulub endog, jeung jeruk Garut anu kawentar amis kareueut anu dipasrahkeun ku saurang nini-nini minangka kanyaah jeung babakti hamba rahayat ka pamingpina [11]
Dicutat tina
[édit | édit sumber]- ↑ Tata bahasa acuan bahasa Sunda, T. Fatimah Djajasudarma, Pusat Pembinaan dan Pengembangan Bahasa Pusat Pembinaan dan Pengembangan Bahasa, Departemen Pendidikan dan Kebudayaan, 1994, Kaca 32
- ↑ a b Peperenian urang Sunda, Rachmat Taufiq Hidayat, Kiblat Buku Utama, 2005, Kaca 28
- ↑ a b Pipiti wadah uyah
- ↑ Pipiti tina awi pikeun wadah sangu
- ↑ Pipiti wadah lalawuh sangu[tumbu nonaktif]
- ↑ Pipiti wadah sangu
- ↑ Jaringan makna tradisi hingga kontemporer: kenangan purna bakti untuk Prof. Soedarso Sp., M.A, M. Agus Burhan, Soedarso Sp , BP ISI Yogyakarta, 2006, Kaca 26
- ↑ Pipiti wadah bekel sangu
- ↑ a b c Pipiti pikeun pabinihan pare Archived 2016-10-13 di Wayback Machine
- ↑ Karajinan pipiti anu tetep hirup[tumbu nonaktif]
- ↑ Seabad Grand Hotel Preanger, 1897-1997, Haryoto Kunto, Deddy H. Pakpahan, Grand Hotel Preanger, 2000, kaca 14
Tutumbu kaluar
[édit | édit sumber]- Sisindiran maké kecap pipiti
- Pipiti wadah sangu
- Gaganti wadah pipiti mangsa kiwari
- Karajinan pipiti anu tetep hirup[tumbu nonaktif]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |