Abdurrohman as-Sudés

Prof. Dr. Asy-Syéikh Abdurrohman bin Abdul Aziz bin Muhammad as-Sudés (Basa Arab: الشيخ عبد الرحمن بن عبد العزيز بن عبد الله بن محمد السديس‎) atawa leuwih dipikawanoh Abdurrohman as-Sudés atawa as-Sudés (Lahir di Riyadh, Arab Saudi dina kaping 10 Fébruari 1960)^[1] nyaéta Imam jeung Khotib Masjidil Haram jeung ngajabat Katua Umum Pangurus Masjidil Haram jeung Masjid Nabawi.

Tempat lahirna di kota al-Bukairiyah, kiwari aya di Provinsi Qasim.^[2] Anjeuna jadi Imam jeung Khotib Masjidil Harom ti taun 1404 H, munggaran jadi Imam salat ashar dina tanggal 22 Sya'ban 1404 Hijriyah jeung mimiti nyampékeun khutbah tanggal 15 Romadon 1404 Hijriyah.

Biografina

Anjeuna ti kawit murangkalih di Riyadh, teras anggeus sakola dasar di Sakola Dasar al-Mutsanna bin Haritsah, teras ka Ma'had 'Ilmi (Sakola Menengah Kejuruan) Riyadh, tos afal al-Qur'an yuswa 12 taun,^[1] jeung afal al-Qur'an ku bimbingan guru-guruna di Riyadh, Syékh Abdurrohman bin Abdulloh Alu Faryan, indung bapana kacida tumarima ka guru-guru nu geus ngajar as-Sudés. Ogé ti Syékh al-Muqri Muhammad Abdul Majid Dzakir jeung Syékh Muhammad Ali Hasan. Jeung lulus ti sakola kasebut ku maca al-Qur'an maké qira'at Hafs ti Ashim dina taun 1979/1399 Hijriah kalawan prédikat nu onjoy,^[1] terus studina ka paguron nu leuwih luhur.

Dina taun 1408 H anggeus studi magisterna kalwanan predikat Cum Laude ti Universitas Islam Imam Muhammad bin Saud, Fakultas Syari'ah Jurusan Ushul Fiqih. Studi doktoralna di Universitas Umm Al-Qura kalawan prédikat Cum Laude, disertasina maké judul Studi jeung Pananalungtikan Kitab al-Wadhih fi Ushulul Fiqh anggitan Abu al-Wafa bin 'Aqil al-Hanbali dicetak taun 1416 H. Disertasina dibimbing ku Prof. Ahmad Fahmi Abu Sanah, jeung sidang disertasina dipingpin ku Dr. Abdulloh bin Abdul Muhsin at-Turki, Sekretaris Jénderal Rabithah al-'Alam al-Islami tur Dr. Ali bin Abbas al-Hakami, Diréktur Pascasarjana Fakultas Syari'ah Universitas Umm Al-Qura. Meunang gelar Profesor bidang Ushul Fiqih alatan panalungtikanana kalawan judul Permasalahan-permasalahan Ushul Fiqih nu pakait jeung dalil-dalil syar'i nu dipadungdengkeun Ibnu Qudamah al-'Azali.

Penghargaan

Taun 2005, anjeuna meunang panghargaan minangka Tokoh Muslim taun 2005 ti Panghargaan al-Qur'an Internasional Dubai sési kasalapann ku jasana dina widang al-Qur'an jeung Islam.^[1]

Lihat pula

Masjidil Haram

Referensi

↑ ^a ^b ^c ^d Sesi Kesembilan Penghargaan al-Qur'an Internasional Dubai
↑ Para Ulama dan Syaikh dari Kota al-Bukairiyah Archived 2017-06-29 di Wayback Machine

Pranala luar

Citakan:Tracker-cat-tokohmuslim

[sudais-1] Sesi Kesembilan Penghargaan al-Qur'an Internasional Dubai

[2] Para Ulama dan Syaikh dari Kota al-Bukairiyah Archived 2017-06-29 di Wayback Machine

[1]

[2]