Saudi Arabia

Ti Wikipédia Sunda, énsiklopédi bébas
(dialihkeun ti Arab Saudi)
المملكة العربية السعودية
Al-Mamlakah al-'Arabiyyah as-Sa'ūdiyyah

Karajaan Saudi Arabia
Bandéra Saudi Arabia Lambang Saudi Arabia
Bandéra Lambang
Motto: basa Arab: لا إله إلا الله محمد رسول الله
(Alihaksara: lā ilāhā illā-llāhu; muhammadu-r-rasūlu-llāhi)
(Alihbasa: "Teu aya deui Pangéran anging Gusti Allah sareng Nabi Muhammad éta utusan Allah")
Lagu: Aash Al Malik

Lokasi Saudi Arabia
Lokasi Saudi Arabia


Ibukota Riyadh
24°39′N 46°46′E
Kota panggedéna Riyadh
Basa resmi Basa Arab
Pamaréntahan Karajaan absolut
 - Raja Salman bin Abdulaziz
 - Pangéran Muqrin Bin Abdul Aziz
Ngadegna Minangka Karajaan 
 - Didéklarasikeun 8 Januari, 1926 
 - Diaku 20 Méi, 1927 
 - Ngahiji 23 Séptémber, 1932 
Wewengkon  
 - Total 2.149.690 km² (ka-14)
  829.996 sq mi 
 - Cai (%) saeutik
Populasi  
 - Perkiraan taun 2006 25.192.7201 (ka-462)
 - Kapadetan 11/km² (ka-205)
29/sq mi 
GDP (PPP) 2005 (éstimasi)
 - Total $351.996 milyar (ka-27)
 - Perkapita $ 15.229 (ka-46)
HDI (2003) 0,772 (ka-77) – sedeng
Mata uang Riyal (SAR)
Wewengkon wanci (UTC+3)
Internét TLD .sa
Kode telepon +966
1Populasina diperkirakeun 5,576,076 non-nasional
2Réngking dumasar kana itungan taun

Karajaan Saudi Arabia (Basa Arab: المملكة العربية السعودية‎) nyaéta nagara panglegana di Semenanjung Arab. Nagara ieu wawatesan jeung Jordania di kulon kalér, Iraq di kalér jeung wétan kalér, Kuwait, Qatar, Bahrain, jeung Uni Émirat Arab di beulah wétan, Oman di wétan kidul, sarta Yaman di beulah kiduleunnana, kalayan Teluk Pérsia di beulah wétan kalér jeung Laut Beureum di beulah kuloneunnana. Nagara ieu disebut "lemahna dua masjid suci", minangka rujukan ka Mekah jeung Madinah, dua kota pangsucina dina ageman Islam. Nagara ieu nujul kana Saudi Arabia (ngecapkeun dina basa Inggris /ˈsɒdɪ əˈɹeɪ̯bɪə/), السعودية /ælʕɑrɑˈbiː æsːæʕuːˈdijːæ/ atawa Arabia wungkul, nu henteu pati ilahar (saperti dina maén bal), KSA.

Sajarah[édit | édit sumber]

 Artikel utama: Sajarah Saudi Arabia.
Nu ngadegkeun Saudi Arabia modéren, Raja Abdul Aziz, keur sawala jeung Franklin Delano Roosevelt nalika mulih ti Konferensi Yalta taun 1945.

Nagara ieu dimimitian di Arabia tengah kira-kira taun1750. Saurang pangawasa lokal, Muhammad bin Saud, ngagabung jeung ajengan sarta pembaharu Islam ngaranna syékh Muhammad Abdul Wahhab, pikeun nyiptakeun sahiji entitas pulitik anyar. Salila saratus lima puluh taunsaterusna, nasib kulawarga Saud sawatara kali naék-turun dina usahana ngalawan Mesir, Kakaisaran Utsmaniyah, sarta kulawarga Arab séjénna pikeun ngawasa semenanjung Arabia éta. Nagara Arab Saudi pamustunganana nangtung di handapeun kapamingpinan almarhum Raja Abdul Aziz Al-Saud (anu ogé ditulis minangka Abdul Aziz bin Saud).

Dina taun1902, Abdul Aziz bin Saud junun ngawasa Riyadh, puseur dayeuh karuhun kulawarga Al-Saud, ti kakawasaan lawanana nyaéta kulawarga Al-Rashid. Abdul Aziz nuluykeun usahana kalayan ngawasa Al-Ahsa, Al-Qatif, sésa wewengkon Najd, sarta Hijaz antara taun1913-1926. Dina tanggal 8 Januari 1926, Abdul Aziz bin Saud nyokot gelar Raja Hijaz. Dina tanggal 29 Januari 1927, manéhna nyokot gelar Raja Najd. Ngaliwatan Perjangjian Jeddah anu ditandatanganan dina 20 Méi 1927, Inggris ngaku kamerdikaan wewengkon kakawasaan Abdul Aziz, anu saterusna dipikawanoh minangka Karajaan Hijaz sarta Najd. Dina taun1932, kadua wewengkon ieu ngahiji sarta robah jadi Karajaan Arab Saudi.

Kapanggihna minyak bumi dina bulan Maret 1938 geus ngarobah ékonomi nagara, sarta saterusna méré kamakmuran anu badag pikeun karajaan ieu.

Pulitik[édit | édit sumber]

 Artikel utama: Pulitik Saudi Arabia.

Institusi pamaréntahan utama di Arab Saudi nyaéta Karajaan Saudi. Undang-undang dasar anu diadopsi dina taun1992 nyatakeun Saudi Arabia minangka hiji karajaan anu diparéntah ku anak sarta incu ti raja kahiji, Abdul Aziz Al-Saud, sarta Al Qur'an minangka konstitusi nagara ieu anu dijalankeun dumasar hukum Islam (saréat).

Raja Salman ti Saudi Arabia

Euweuh partéi pulitik atawa pamilihan umum nasional anu diaku, kajaba pamilihan lokal anu diayakeun di taun2005. Kakawasaan raja sacara téoritis diwatesan ku saréat Islam sarta talari Saudi séjénna. Manéhna ogé kudu nengetan konsensus para kulawarga karajaan Saudi, pamingpin ageman (ajengan), sarta elemen penting séjénna dina masarakat Saudi. Idéologi nagara nyaéta Salafi. Karajaan nyebarkeun falsafah Islam ieu ngaliwatan pangwangunan masjid sarta madrasah di sakumna dunya. Kulawarga karajaan milih raja ti antara maranéhanana sorangan, saterusna ménta kasapukan ti ajengan.


Propinsi[édit | édit sumber]

Propinsi di Saudi Arabia
Propinsi di Saudi Arabia
 Artikel utama: Propinsi di Saudi Arabia.

Saudi Arabia kabagi jadi 13 propinsi (manatiq, tunggal - mintaqah).

  1. Al-Bahah
  2. Al-Hudud Asy-Syamaliyah
  3. Al-Jawf
  4. Al-Madinah
  5. Al-Qassim
  6. Ar-Riyad
  7. Asy-Syarqiyah
  8. `Asir
  9. Ha'il
  10. Jizan
  11. Makkah
  12. Najran
  13. Tabuk

Kota gedé[édit | édit sumber]

 Artikel utama: Daptar kota di Saudi Arabia.
Artikel ieu keur dikeureuyeuh, ditarjamahkeun tina basa Inggris.
Bantuanna didagoan pikeun narjamahkeun.

Tempo ogé[édit | édit sumber]

Bibliografi[édit | édit sumber]

  • Lippman, Thomas W. "Inside the Mirage: America's Fragile Partnership with Saudi Arabia" (Westview 2004) ISBN 0-8133-4052-7
  • Mackey, Sandra, The Saudis: Inside the Desert Kingdom (Houghton Mifflin, 1987) ISBN 0-395-41165-3
  • Ménoret, Pascal, The Saudi Enigma: A History (Zed Books, 2005) ISBN 1-84277-605-3
  • al-Rasheed, Madawi, A History of Saudi Arabia (Cambridge University Press, 2002) ISBN 052164335 Citakan:Invalid isbn
  • Matthew R. Simmons, Twilight in the Desert The Coming Saudi Oil Shock and the World Economy, John Wiley & Sons, 2005, ISBN 0-471-73876-X
  • Robert Lacey, THE KINGDOM: Arabia & The House of Sa'ud, Harcourt Brace Jovanovich, Inc, 1981 (Hard Cover) and Avon Books, 1981 (Soft Cover. Library of Congress: 81-83741 ISBN 0-380-61762-5

Rujukan[édit | édit sumber]

Tumbu luar[édit | édit sumber]

Takulan:
Pék paluruh émbaran nu leuwih loba ngeunaan Saudi Arabia ku jalan nyungsi proyék sabaraya Wikipédia
Définisi kamus ti Wiktionary
Buku téks ti Wikibooks
Cutatan ti Wikiquote
Téks sumber ti Wikisource
Gambar jeung média ti Commons
Warta ti Wikinews
Sumber pangajaran ti Wikiversity

Pamaréntah

Sawangan

Diréktori

Iber

Lianna