Ahmad Albar

Ti Wikipédia Sunda, énsiklopédi bébas
Loncat ke navigasi Loncat ke pencarian
Ahmad Syech Albar

Ahmad Albar (gumelar di Surabaya, Jawa Wétan, 16 Juli 1946; umur 73 taun) nyaéta saurang pamusik aliran rock, sanajan kitu manéhna ogé pernah medalkeun lagu dangdut.[1] Babar ti pasangan Syech Albar jeung Farida. Ahmad Albar anu nénéhna Iyé ieu sukses jeung grup musik légéndarisna, Goodbless jeung Gong 2000.[2] Iyé téh nyaéta mantan salakina Rini S. Bono jeung dipaparin anak lalaki anu ngaranna Fachry Albar. Lian ti kitu, Iyé nyaéta dulur téré ti panyanyi dangdut Camélia Malik, ti bapa aktor Jamaluddin Malik. Sanggeus pipirakan jeung Rini, Iyé sempet deukeut jeung Cut Keukeu.[2]

Karir[édit | édit sumber]

Iyé ngamimitian karir di dunya hiburan ti keur leutik kénéh, liwat panggung ékting jeung debut pilemna Jendral Kancil (1957). Sedengkeun karir ngamusikna mah dimimitian ti umur sabelas taun, bareng jeung babaturan pantaranna ngawangun band budak Béntang Rumaja, najan dua taun tuluy band éta bubar.[2]

Satuluyna bareng jeung Titi Qadarsih, Iyé ngawangun Kuarta Nada. Band ieu gé teu kungsi lila, antukna mah bubar.[2]

Dina taun 1960 Iyé indit ka Walanda, manéhna ogé ngawangun grup musik Take Five (1966), grup ieu gé bubar deui dina taun 1967. Disusul dina taun 1967, manéhna ngawangun ''Clover Leaf'' anu tuluy ngaluarkeun album jeung lima singel.[2]

Dina taun 1972 bareng Ludwig Lemans, gitaris Clover Leaf, manéhna balik ka Indonésia. Iye nyoba neéangan musisi pikeun gabung jeung manéhna. Dina taun 1973, Iye, Ludwig, Donny Fattah, Fuad jeung Jockie Soerjoprajogo ngayakeun latihan di Puncak pikeun nyanghareupan pagelaran musik di Taman Ismail Marzuki. Dina latihan maranéhna supaket ngabentuk hiji grup ku ngaran God Bless.[2]

Bareng jeung God Bless mah Iye marengan kasuksésan. Ngaranna makin kasohor ku sabab grup ieu kagolong produktip jeung gampang ditarima pasar. God Bless geus ngaluarkeun loba album, kayaning CERMIN (1980), SEMUT HITAM (1988), RAKSASA (1989), THE STORY OF GOD BLESS (1990), 18 GréaTEST HITS OF GOD BLESS (1992), sarta APA KABAR (1997).[2]

Nalika néangan vokalis pikeun Gong 2000 anu dilakonan ku Ian Antono, Albert Wijaya, Yaya Muktio (drum), Harry Anggoman (keyboard) jeung Donny, pilihanna nya ka Ahmad Albar, ku sabab manéhna dianggap anu panghadéna harita. Konsér Gong 2000 tanggal 26 Oktober 1991 di Parkir Wétan Senayan muaskeun sabudeureun 100.000 nu lalajo ku parabot sistem sora nu kuatna 120.000 watt jeung lampu nu kuatna 300.000 watt. Grup ieu ngahasilkeun opat album di antaran BARA TIMUR (1991), GONG LIVE (1992), LASKAR (1993), jeung PRAHARA (2000).[2]

Diskografi[édit | édit sumber]

Album[édit | édit sumber]

Bareng Duo Kribo[édit | édit sumber]

Bareng Gong 2000[édit | édit sumber]

Bareng God Bless[édit | édit sumber]

Filmografi[édit | édit sumber]

Referénsi[édit | édit sumber]

  1. Wowkeren. Ahmad Albar Diakses 20 April 2015 .
  2. a b c d e f g h Kapanlagi. Ahmad Albar Diakses 20 April 2015