Addie MS
| Addie MS | |
|---|---|
| Gumelar | Addie Muljadi Sumaatmadja Jakarta, Indonesia |
| Kabangsaan |  Indonesia |
| Taun aktip | 1979–sekarang |
| Pasangan | Memes (m. 1987) |
| Anak | 2, termasuk Kevin Aprilio dan Tristan Juliano |
| Karir musik | |
| Aliran | |
| Alat musik | |
| Maén di | |
Addie Muljadi Sumaatmadja atawa leuwih kasohor ku sebutan Addie MS nyaéta salasahji konduktor orkestra di Indonesia.[1] Lahir di Jakarta 7 Oktober 1959.[1] Addie salah sahiji nu ngadegkeun Twilite Orchestra.[1] Salian ti éta, Addie ogé dipikawanoh salaku pianis, komposer, arranger, sakaligus produser musik.[1]
Alatan didikan di kulawargana nu kacida disiplin ti keur leuleutik, Addie kaasup kana budak nu éraan, minder tur hésé sosialisasi jeung batur.[2] Hal éta robah nalika Addie nincak masa SMP.[2] Addie mimiti wanoh kanu ngaranna narkoba nepi ka tingkat émosionalna ogé milu robah.[2] Addie jadi budak nu eksplosif tur émosional.[2] Mun keur ambek, Addie ngébréhkeunana kana tuts-tuts piano kadang-kadang nepi ka senarna pegat.[2] Addie ancrub dina dunya narkoba kurang leuwih 1,5 taun.[2] Nalikaasup ka SMA, Addie mimiti ancrub kana kagiatan-kagiatan nu positif.[2] Kungsi milu grup vocal bareng jeung Ikang Fauzi, Fariz RM, jeung Adji Sutama.[2] Tuluy kungsi ogé miluan pasanggiri nyieun lagu rumaja jeung pasanggiri band.[2] Addie diwanohkeun kana dunya musik profesional ku Keenan Nasution jeung Jockie Suryoprayogo.[2]
Satamatna ti SMA, Addie kungsi hayang kuliah ka fakultas psikologi atawa ékonomi.[2] Tapi Addie mimiti panceg kana kalangenanana di dunya musik.[2] Alatan di Indonésia mah jarang aya sakola musik nu hadé, Addie maksakeun indit ka New York pikeun nongton opera, konsér musik klasik jeung jazz, sarta néangan référénsi buku musik jeung vidéo musik.[2]
Terah senina nurun ti aki Addie sorangan nyaéta H. Muhamad Susilo salah sahiji violis jeung planolog nu ngararancang kota satelit Kebayoran Baru.[2] Adi mimiti mingpin orkestra dina taun 1982 di Filipina mirig Redi Nur jeung Vina Panduwinata.[2] Addie jadi pinunjul kadua dina féstival lagu pop di Chile kalawan mawakeun lagu Titik Hamzah dina taun 1984.[2]
Referensi[édit | édit sumber]
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |