Anggel
Anggel (basa hormat: Kajang Mastaka) atawa Bantal nyaéta pangganjel sirah, pangganjel diuk, pangganjel tonggong, jeung sajabana anu dikaput kawas karung anu dieusian ku kapuk, tapas, jeung sajabana.[1][2][3][4] Anggel anu alus pikeun saré nyaéta anggel anu bisa ngamparan awak sabot ngedéng atawa diuk. Aya ogé anggel anu didiséin saluyu jeung bentuk awak manusa sangkan ngeunaheun dipaké lamun keur saré. Kadang, anggel dékoratif anu sok dipaké dina korsi, sofa jeung sajabana masih kénéh bisa disebut salaku anggel atawa bantal.[5][6]
Dina budaya barat jaman kiwari mah, anggel téh kajieun tina amplop kain polos atawa maké sarung anggel nu eusina maké eusian nu hipu, biasana sintétis jeung biasana standar dina ukuran jeung bentukna.[7] Numutkeun tina sajarah mah, anggel kajieun tina sababaraha bahan alami jeung loba budaya angger maké anggel anu kajieun tina bahan alami di dunya.
Dina Tatakrama Basa Sunda, kecap "Anggel" kaasup kana basa loma, sedengkeun basa hormatna mah disebut salaku "Kajang Mastaka".
Sajarah Anggel[édit | édit sumber]
Sajarah anggel mimitina sarua jeung sajarah manusa, malah saméméh kapanggihna baju, ku sabab manusa maké naon waé pikeun ngaganjel sirahna waktu keur saré.[8] Urang Éropah maké bulu-bulu soang jadi anggel, ari urang Indonesia maké kapuk keur ngeusian anggelna.[8] Duanana sarua miboga unsur kasugemaan jeung hipu nalika dipaké ganjel sirah.[8] Lian ti éta, aya pasualan nu karandapan nyaéta kumaha carana sangkan anggel nu dipaké bisa kapaké lila.[8] Urang Indonesia moé bantalna sangkan serat-serat anu baseuh téh bisa garing sarta mekar deui.[8] Saluyu jeung kamekaran téhnologi, jalma nyiptakeun serat-serat sintétis minangka gaganti tina serat alam anu dianggap kawatesanan sumberna jeung hipuna masih dianggap kurang.[8] Kaayeunakeun kapanggih busa latex anu dianggap awét, teu babari hapa, jeung ngeunaheun waktu dipakéna.[8]
Rupa-Rupa anggel[édit | édit sumber]
1. anggel dacron (hipu jeung lemes)
Loba pisan rupa tina darcon di pasaran, sawaréh mangrupa serat-serat anu babari pegat nepi ka beulahanana bisa jadi kekebul anu ngabalukarkeun jalma alergi.[8] Jenis dacron anu pangalusna nyaéta siliconized polyester fiber anu mangrupa serat-serat polyester silikon.[8] Ieu dacron miboga serat-serat anu sipat daya mekarna hadé nepi ka karasa hampang tapi mekar pisan.[8] ku sabab, éta bakal hipu pisan waktu dipakéna.[8] Kaonjoyan ieu anggel nyaéta hipu jeung kalemesanana.[8]
2. anggel busa latex (Daya tahan lila)
Latex nyaéta karét alam, sifat dasarna élastis pisan.[8] Pikeun nyieun anggel, mimitina karét ieu dimekarkeun heula jadi busa.[8] Lolobana anggel latex téh contour, nyaéta wangunna disaluyukeun jeung sirah urang.[8] Teu salah deui busa latex matak awét dipakéna.[8]
3. Super foam (Nyaman)
Super foam atawa busa super, nyaéta busa sintetis anu miboga kualitas alus pisan.[8] Kaonjoyan ieu busa lamun dibandingkeun jeung busa latex nyaéta kamampuhna keur ngungkulan efek pér teu kawas busa latex.[8] Ieu busa moal balik deui sabada dibéré beungbeuratan, nu matak leuwih ngeunaheun.[8]
4. anggel méwah
Sering pisan urang teu nalingakeun kualitas kaén anggel anu dipiboga, sanajan meulina mahal kaén-kaén non katun umumna miboga efek panas, ngabalukarkeun kurang énak dipakéna.[8]
5. anggel mewah séjénna
anggel bulu soang (goose down) anu indentik jeung kamewahan loba dipaké ku para bangsawan jeung raja kaya di Éropah, hargana mahal ku sabab asalna tina bulu-bulu soang spésiés anu tangtu ogé.[8] Inspirasi ieu anggel ku bulu soang sabab bisa nahan suhu anu diserapna, lamun di nu tiris bakal méré efek haneut, kitu ogé sabalikna di nu panas bakal méré éfék tiis.[8]
Referensi[édit | édit sumber]
- ↑ Luthfiyani, Lulu. Kamus Genggam Bahasa Sunda. Yogyakarta2016: Frasa Lingua. ISBN 9786026475275. Diakses tanggal 23 Nopember 2019.
- ↑ Definisi 'bantal' (diakses 5 November 2011)
- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ Danadibrata, R.A (2006). Kamus Basa Sunda. Bandung: PT Kiblat Buku Utama. p. 24. ISBN 9793631937. Diakses tanggal (disungsi) 23 Des 2020.
- ↑ "Pillow". The Free Dictionary By Farlex. Diakses tanggal 2012-05-20.
- ↑ "Pillow, n.1a". Oxford English Dictionary. Diakses tanggal 12 May 2015.
- ↑ "Pillow". Cambridge Dictionaries Online. Diakses tanggal 2012-05-20.
- ↑ a b c d e f g h i j k l m n o p q r s t u v Berikut adalah kelebihan-kelebihan yang dimiliki oleh bantal-bantal terbaik Archived 2012-01-19 di Wayback Machine (diakses 4 November 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |