Apu

Apu basa Inggris (Chalk) (pronunciation: /ˈtʃɔːk/) nyaéta tipung bodas anu dijieun tina batu ''sédimen'', batu apu asalna tina jero laut anu mangrupa gelempengan kalsium (coccoliths) anu diwangun tina mikroorganisme coccolithophores. Dina batu apu ilahar ogé di jerona kapanggih batu panékér (Rijang) pikeun mirun seuneu.^[1]

Apu henteu gampang ngalaman pelapukan, ku lantaran kitu apu mindeng kapanggih dina jumlah anu loba dina wangun anu ngagawir, apu ogé mibanda kakuatan nahan cai anu nyangkrung dina sela-selana ogé nandéan cai taneuh anu ngalir sagigireuna, ku alatan kitu batu apu mangrupa ''reservoir'' alam anu baris ngaluarkeun cai lalaunan mangsana usum halodo ^[2].

Mangpaat

Pikeun tatanén apu dipaké pikeun ngajaga kasimbangan PH taneuh jeung ngaronjatkeun kasuburanna. Loba jeung rupana apu anu dipaké gumantung kana maksud jeung tujuan; apu beunang ngagiling (kalsit super), Apu tohor atawa apu hirup (kalsit, quicklime), dolomit, apu pikeun nembok (slaked lime, Ca(OH)2), apu liat atawa mari, apu seuneu (slag), jeung apu tina cangkang haremis.

Baheula tipung apu dicitak sagedé-gedé curuk dipaké pikeun Kapur tulis dina bor hideung hanjakal gampang teuing dipupus jeung bubukna matak ngebul, ka dieunakeun kapur tulis dijieun tina mineral gypsum (kalsium sulfat) panjang kurang leuwih 10 cm, kapur kaput nyaéta apu anu dipadetkeun dimangpaatkeun pikeun ngaguratan kaén/lawon anu baris dipotong, kiwarimah geus diganti ku wedak (magnesium silikat). Apu ogé dipaké ngaguratan jukut lapang mengbal, atawa tenis. Tapi kiwari geus diganti ku titanium dioksida. Apu anu dipaké dina olah raga pikeun nyerep késang jeung sangkan henteu leueur saperti dina olahraga senam, atlétik, naék gawir (panjat tebing), angkat beusi jeung tarik tambang, tapi kiwari geus diganti ku magnesium karbonat.

Apu dipaké ogé pikeun mulas imah, pager jeung sajabana. Apu anu dipotong-potong sagedé-gedé bata dijieun balok pikeun dadasar/pondasi mangsa ngadegkeun imah, benténg atawa wangunan anu séjéna^[3]^[4]

Dicutat tina

↑ Rigg, Jonathan (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. p. 20. Diakses tanggal (disungsi) 11 April 2020.
↑ Kuswandi. 2005. Pengapuran Tanah Pertanian: Edisi Revisi. Penerbit Kanisius. Yogyakarta.
↑ Whitaker, William (1872). Memoirs of the Geological Survey of Great Britain 4. London: Longmans, Green. p. 389. OCLC 2531996.
↑ Easton, David (1996). The Rammed Earth House. White River Junction, VT: Chelsea Green Publishing. p. 15. ISBN 9780930031794.

Tumbu kaluar

Wikimedia Commons mibanda média séjénna nu patali jeung Category:Minerals.

Galeri mineral Archived 2008-05-14 di Wayback Machine
Minerals.net Archived 2008-05-13 di Wayback Machine
mindat.org Basis data mineral
Webmineral.com
Béréndélan basis data online nu patali jeung mineralogi jeung kristalografi

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[“Antanan-1] Rigg, Jonathan (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. p. 20. Diakses tanggal (disungsi) 11 April 2020.

[2] Kuswandi. 2005. Pengapuran Tanah Pertanian: Edisi Revisi. Penerbit Kanisius. Yogyakarta.

[3] Whitaker, William (1872). Memoirs of the Geological Survey of Great Britain 4. London: Longmans, Green. p. 389. OCLC 2531996.

[4] Easton, David (1996). The Rammed Earth House. White River Junction, VT: Chelsea Green Publishing. p. 15. ISBN 9780930031794.

[1]

[2]

[3]

[4]