Baréra
Baréra nyaéta pakakas tina kai anu dipaké mangsa keur ninun.[1] Kagunaanana pikeun nyurungkeun kantéh pakan sangkan leuwih rékép jeung kantéh lungsi.[1] Baréra wangunna dempak, panjangna kurang leuwih 1,35 méter dipakéna maju jeung mundur nyurungkeun kantéh pakan anu ngéntép dina sisir tinun.[1] Baréra ogé ngajaga sangkan kantéh lungsi salawasna kabuka (aya lolongkrang) jadi anu ninun gampil mangsa ngasupkeun kantéh pakan.[2] Dina adat ngurus orok ku paraji, baréra ogé jadi hiji pakakas anu dikaluarkeun jeung pakakas séjénna saperti kanjut kundang, kisi, jeung péso.[3] Maksudna mah sangkan éta orok ka hareupna baris jadi budak gedé milik tur séhat.[3]
Rujukan
[édit | édit sumber]- ↑ a b c "Tenun Baduy; Identitas Urang Kanekes, Dulu dan Sekarang". Wacana. 2014-02-08. Diakses tanggal 2017-07-09.[tumbu nonaktif]
- ↑ Stisi telkom. "Kain Tenun Tradisional Baduy". Stisitelkom. http://digilib.repository.tcis.telkomuniversity.ac.id/Persyaratan%20Wisuda%20STISI%20Telkom%202011-2012/Webometrics/PKL/SEMINAR%20N.RIZKI/1999/Hinda%20Rustanti_9293025/To%20PDF/Bab.3.pdf. Diakses pada 2017-07-09[tumbu nonaktif]
- ↑ a b Rosidi Ayip, spk.(2000) Ensiklopedi Sunda: Alam, Manusia dan Budaya.Jakarta: Pustaka Jaya.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |