Barusuh

Ti Wikipédia Sunda, énsiklopédi bébas
Sariawan dina biwir handap

Sariawan atawa dipikawanoh minangka stomatitis nyaéta bareuhna atawa ngaradangna lapisan mukosa dina baham.[1] Sariawan téh mangrupa kasakit nu ngalantarankeun barusuh atawa kaluar getih tina irung atawa gugusi.[2] Hal ieu bisa disababkeun ku sawatara faktor, di antarana ku sabab strés, tatu dina baham, alérgi kadaharan, siklus haid, loba teuing nginum antibiotik, sarta kurang nginum vitamin C jeung vitamin B12.[1] Faktor séjén anu ngabalukarkeun sariawan nyaéta kasalahan ngosok huntu, sumawona lamun ngosokna asal waé sarta teu ati-ati.[3] Tatu di sakurilingeun baham alatan kagégél atawa labuh ogé bisa ngabalukarkeun inféksi dina wangun sariawan.[3] Bagian awak anu bisa kakeunaan ku sariawan nyaéta damis, gugusi, létah, biwir sarta lalangit baham.[1] Sajaba ti éta sariawan ogé bisa ngabalukarkeun perdarahan, bareuh anu tuluy ngabeureuman.[1] Dina sawatara perkara, bahan-bahan anu aya di imah bisa jadi cara gampang pikeun ngubaran sariawan, nyaéta kukumu ku cai uyah, nginum yogurt, kumbah baham ku ubar tradisional, usap tatu ku bawang atawa gedang, kukumu ku cai baking soda, inum vitamin.[1] Sariawan anu disebabkan ku faktor lokal inféksi biasana baris cageur dina waktu dua minggu.[3] Tapi, lamun tatu jiga sariawan teu cageur nepi ka mangbulan-bulan, bisa jadi éta mangrupa tanda panyakit daria, kawas HIV/AIDS atawa kanker baham.[3]

Referensi[édit | édit sumber]

  1. a b c d e Cara Mengobati Sariawan (id) (Diakses ping 1 November 2011)
  2. Hadi, Ahmad. spk. 2009. Peperenian. Bandung:Geger Sunten Hal. 132
  3. a b c d Sariawan Archived 2011-08-18 di Wayback Machine (id) (Diakses ping 1 November 2011)